Къырым Мухтар Джумхуриети Анаясасынынъ 26 маддесиндеки экинджи къысымынынъ 1, 11 пунктларына мувафыкъ, «2009—2013 сенелерине Къырым Мухтар Джумхуриетинде ИИВ-сираетининъ огюни алув, ИИВ-сираети ве ЮИДСнен хасталарны тедавийлев, бакъмакъ ве къол тутмакъ боюнджа Умумдевлет Программасыны тасдикълав акъкъында» Украина Къануны эда этильмеси ичюн, ИИВ-сираетининъ ве ЮИДСнен хасталарны тедавийлев, бакъмакъ ве къол тутмакъ боюнджа хызметлери ве огюни алув тедбирлери иле эалини теминлев боюнджа девлет сиясетини амельге кечирюв елунен къыргъынлыкъ вазиетини темеллештирюв, ИИВ-сираети/ЮИДС хасталыкълары ве олюмлернинъ севиесини эксильтюв макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. 2009—2013 сенелерине Къырым Мухтар Джумхуриетинде ИИВ-сираетининъ огюни алув, ИИВ-сираети ве ЮИДСнен хасталарны тедавийлев, бакъмакъ ве къол тутмакъ боюнджа Программасы тасдикълансын (иляве этиле).
2. 2009—2013 сенелерине Къырым Мухтар Джумхуриетинде ИИВ-сираетининъ огюни алув, ИИВ-сираети ве ЮИДСнен хасталарны тедавийлев, бакъмакъ ве къол тутмакъ боюнджа Программасыны амельге кечирмек ичюн 2010 сенесине ве келеджек йылларгъа Къырым Мухтар Джумхуриетининъ бюджет лейихалары тешкиль этильгенде сагълыкъны сакълав саасыны кечиндирмек ичюн айырылгъан пара васталары сынъырларында макъсатлы тахсислер козь огюнде тутмакъ Къырым Мухтар Джумхуриетининъ назирлер Шурасына авале этильсин.
3. Къырым Мухтар Джумхуриетиндеки шеэр шураларынынъ иджра комитетлерине ве район девлет мемуриетлерине 2009—2013 сенелерине Къырым Мухтар Джумхуриетинде ИИВ-сираетининъ огюни алув, ИИВ-сираети ве ЮИДСнен хасталарны тедавийлев, бакъмакъ ве къол тутмакъ боюнджа Программасыны эда этюв боюнджа тедбирлерни ишлеп чыкъармакъ, тасдикъламакъ ве малиенен теминлемек тевсие этильсин.
4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., 2009 сенеси, |