Къырым Мухтар Джумхуриети Анаясасынынъ 26 маддесиндеки экинджи къысымынынъ 11 пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 маддесиндеки экинджи къысымынынъ 12 пунктына мувафыкъ, Къырым Мухтар Джумхуриети территориясында яшагъан сакъатларнынъ теминатыны арттырув макъсадынен мескеннен теминлев
Къырым Мухтар Джумхуриетининъ Юкъары Радасы к ъ а р а р б е р е:
1. 2009—2013 сенелерине «Мескен-сакъатларгъа» Къырым Мухтар Джумхуриетининъ Программасы тасдикълансын (иляве этиле).
2. 2009—2013 сенелерине «Мескен-сакъатларгъа» Къырым Мухтар Джумхуриетининъ Программасы эда этильмеси боюнджа тедбирлер корюльмеси Къырым Мухтар Джумхуриетининъ назирлер Шурасынен бирликте Къырым Мухтар Джумхуриетиндеки шеэр шураларынынъ иджра комитетлери ве район девлет мемуриетлерине авале этильсин.
3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетик комплекси боюнджа Даимий комиссиясына ве Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., 2009 сенеси, |