Къырым Мухтар Джумхуриети Анаясасынынъ 26 маддесиндеки экинджи къысымынынъ 1 пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2007 сенеси апрель 18-де къабул этильген 425-5/07 санлы Къарарынен (Къырым Мухтар Джумхуриетининъ норматив-укъукъий актлар Топламы, 2007 с., № 4, 312 мад.; 2008 с., № 9, 112 мад.) тасдикълангъан 2007—2012 сенелерине эсли адамларнынъ ве сакъатларнынъ яшайыш теминлеви, акъланмасы, ичтимаий къорчалавы эйилештирильмеси боюнджа Къырым Мухтар Джумхуриетининъ Программасына ашагъыдаки денъишмелер кирсетильсин:
2007—2012 сенелерине эсли адамларнынъ ве сакъатларнынъ яшайыш теминлеви, акъланмасы, ичтимаий къорчалавы эйилештирильмеси боюнджа Къырым Мухтар Джумхуриетининъ Программасыны амельге кечирюв боюнджа Тедбирлерде:
2.4 сатырнынъ 6 графасында «2009 с. — 1500,0» сезлери «2009 с. — 3000,0» сезлерине денъиштирильсин;
ашагъыдаки мундериджели 5.3 сатыры иле текмилленсин:
1 |
2 |
3 |
4 |
5 |
||
5.3. |
Ватаныны мудафаа этювде, Улу Ватан дженки ве империалистик Япониянен дженк девиринде арбий хызмет алып баргъан я да озь тешеббюсинен иштирак эткен шахслар теркибинден фронтта булунгъанда яраланув, контузия, къазалар я да хасталыкълар нетиджесинде сакъат олгъан гражданларгъа, тибий-ичтимаий эксперт комиссиясынен тизильген хулясасы боюнджа автопротезирлевде мухтадж олгъанларгъа автомобиллер сатын алув |
2010 |
КъМДж эмек ве ичтимаий сиясети Назирлиги |
КъМДж |
2010 с. — |
|
2. Къырым Мухтар Джумхуриети бюджетининъ пара васталары эсабына Улу Ватан дженки сакъатларыны автомобиллернен теминлев Тертибини 2010 сенеси февраль 1-дже ишлеп чыкъармакъ ве тасдикъламакъ Къырым Мухтар Джумхуриетининъ назирлер Шурасына авале этильсин.
3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., 2009 сенеси, |