КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕРНИНЪ АУКЦИОН ВАСТАСЫНЕН САТЫЛМАСЫНЫ УЙГЪУНЛАШТЫРУБ АКЪКЪЫНДА

Къырым Мухтар Джумхуриети Анаясасынынъ 18 маддесиндеки биринджи къысымынынъ 2 ве 9 пунктларына, 26 маддесиндеки экинджи къысымынынъ 31 пунктына, ер асты байлыкълары акъкъында Украина Къануннамесининъ 9 маддесиндеки 2 пунктына, «2009 сенесине Украина Девлет бюджети акъкъында» Украина Къанунынынъ 5 маддесине ве Украина Назирлер Кабинетининъ 2009 сенеси июнь 17-де къабул этильген 608 санлы Къарарынен тасдикълангъан 2009 сенесинде ер асты байлыкъларындан файдаланмакъ ичюн махсус изинлерни такъдим этюв Тертибине мувафыкъ

Къырым Мухтар Джумхуриетининъ Юкъары Радасы  к ъ а р а р  б е р е:

1. Ер асты байлыкъларындан файдаланмакъ ичюн махсус изинлернинъ аукцион вастасынен сатылмасы уйгъунлаштырылсын:

1) пычып алынгъан киречташлар ер догъумыны араштырув макъсадларында Къырым Мухтар Джумхуриетининъ Черноморское районындаки Донузлав мейданыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

2) Къырым Мухтар Джумхуриетининъ Ленино районындаки Белинское сюслендирме киречташлар ер догъумынынъ II ялысында киречташлар ишлеп чыкъармакъ ичюн;

3) Къырым Мухтар Джумхуриетининъ Первомайское районындаки Новоселовское ер догъумы арсасында пычып алынгъан киречташлар ишлеп чыкъармакъ ичюн;

4) пычма киречташларнынъ ихтиятыны тасдикълав макъсадларында Къырым Мухтар Джумхуриетининъ Черноморское районындаки Оленевское ер догъумынынъ Южный арсасыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып бармакъ ичюн;

5) «Надра Украины» «Крымгеология» Миллий акционер ширкетининъ ярдымджы ишханесининъ балансындан джисманий я да адлие шахсынынъ балансына — аукцион гъалибине теслим этюв шартларында Къырым Мухтар Джумхуриетининъ Джанкой районындаки Северо-Сивашское йод сувлары ер догъумынынъ (№ 39 ве № 40 бужарлары) Медведевский арсасыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып бармакъ ичюн;

6) Къырым Мухтар Джумхуриетининъ Черноморское районындаки Оленевский ер догъумынынъ Северный арсасында пычма киречташлар ишлеп чыкъармакъ ичюн.

2. Ер асты байлыкъларындан файдаланмакъ ичюн махсус изинлернинъ аукцион вастасынен сатылмасыны уйгъунлаштырувда ред этильсин:

1) Къырым Мухтар Джумхуриетининъ Черноморское районындаки Красноярское пычма киречташлар ер догъумындан шималь тарафкъа арсасыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

2) Къырым Мухтар Джумхуриетининъ Ленино районындаки Мошкаревское джермай ер догъумында амелий-истисал ишлеп чыкъарув имкяны олгъан геологик тедкъикъаты боюнджа ишлер алып бармакъ ичюн.

3. Мезкюр Къарар къабул этильген кунюнден арекетке кире.