КъМДж ЮР Къарары

къырым мухтар джумхуриети юкъары радасынынъ 2004 СЕНЕСИ СЕНТЯБРЬ 15-те КЪАБУЛ ЭТИЛЬГЕН 1055-4/04 САНЛЫ КЪАРАРЫНЕН ТАСДИКЪЛАНГЪАН ОРМАНЛАРНЫ КЪОРУБ БЕ ОСЬТЮРЮБ, ОЛАРНЫНЪ СЕМЕРЕЛИГИНИ АРТТЫРУБ БЕ АНЪЛАКЪСАЛ ФАЙДАЛАНУБ БОЮНДЖА 2005—2015 сс. РЕГИОНАЛЬ ПРОГРАММАСЫНА ДЕНЪИШМЕЛЕР КИРСЕТЮБ АКЪКЪЫНДА

Къырым Мухтар Джумхуриетининъ территориясында орман ходжалыгъынынъ темелли инкишафыны теминлев, регионда филислер сачылмасы, орманларны семерели осьтюрюв, оларны къорув ве эльверишли файдаланув макъсадларында ве Украина Президентининъ 2008 сенеси ноябрь 4-те къабул этильген «Орманлар ве филислернинъ къорулмасы ве сачылмасы боюнджа базы тедбирлер акъкъында» 995/2008 санлы Ферманы эда этильмеси макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2004 сенеси сентябрь 15-те къабул этильген 1055-4/04 санлы Къарарынен (Къырым Мухтар Джумхуриетининъ норматив-укъукъий актлар Топламы, 2004 с., № 9, 802 мад.) тасдикълангъан орманларны къорув ве осьтюрюв, оларнынъ семерелигини арттырув ве анълакъсал файдаланув боюнджа 2005—2015 сс. Региональ программасына ашагъыдаки денъишмелер кирсетильсин:

1) 4 пунктынынъ 4.4 пунктастында «(2 Иляве)» сезлери лягъу этильсин;

2) 5 пункт ашагъыдаки тарирде арз этильсин:

«5. Региональ программасыны ресурс ве малиенен теминлев.

Региональ программасынынъ тедбирлерини малиенен теминленмеси чешит бюджетлерининъ паралары ве орманфайдаланыджыларнынъ шахсий паралары эсабына эда этиле. Региональ программасынынъ тедбирлерини малиенен теминлемек ичюн (халкъларара тешкилятларнынъ, ятырымджыларнынъ, бюджеттен гъайры фондларнынъ) къанунджылыкънен ясакъ этильмеген дигер менбалардан паралар джельп этильмеси мумкюн.

Региональ программасынынъ умумен беджерильмесине 408006,0 бинъ грн. микъдарында паралар зарур, шу сырада Украина Девлет бюджетинден — 307175,4 бинъ грн., ерли бюджетлерден — 3025,0 бинъ грн., ишханелерининъ шахсий паралары — 97805,6 бинъ грн.

Орман ходжалыгъынынъ техникасы ве донатувыны сатын алмакъ ве янъылаштырмакъ ичюн, янгъынгъа къаршы машыналар ве дигер янгъынгъа къаршы техникасыны сатын алмакъ, орман ходжалыгъы ве янгъынгъа къаршы эмиети олгъан объектлер ве елларыны гъайрыдан тамирлемек, идаре этюв, орманларны незарет этюв ве къорулмасы вазифелерини теминлемек ичюн лязим техник базасыны эльде этмек ичюн сермия исселери эсабына масрафлар козьде тутула»;

7 пункт янъы тарирде арз этильсин (иляве этиле);

Мезкюр Региональ программасынынъ 2 Илявеси лягъу этильсин.

2. Къырым Мухтар Джумхуриети Юкъары Радасынынъ 2004 сенеси сентябрь 15-те къабул этильген 1055-4/04 санлы Къарарынен тасдикълангъан орманларны къорув ве осьтюрюв, олар­нынъ семерелигини арттырув ве анълакъсал файдаланув боюнджа 2005—2015 сс. Региональ программасынынъ эда этильмеси кетишаты акъкъында Къырым Мухтар Джумхуриетининъ Юкъары Радасына эр йыл март 1 кунюнедже малюмат бермек Къырым Мухтар Джумхуриетининъ орман ве авджылыкъ ходжалыгъы боюнджа Джумхурий комитетине авале этильсин.

3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиаттан файдаланув боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.