Украина Анаясасынынъ 7 ве 142 мадделерине, Къырым Мухтар Джумхуриети Анаясасынынъ 42 маддесине, «Украинада ерли мустакъиль идарелиги акъкъында» Украина Къанунынынъ 62 маддесине, Украина Президентининъ 2001 сенеси август 30-да къабул этильген «Украинада ерли мустакъиль идарелигининъ инкишафына девлет тарафтан къол тутув акъкъында» 749/2001 санлы Ферманына мувафыкъ, Къырым Мухтар Джумхуриетининъ ерли мустакъиль идарелигининъ илеридеки инкишафы макъсады иле
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде ерли мустакъиль идарелигине къол тутув ве инкишафы 2010 сенесине Комплекс планы тасдикълансын (иляве этиле)1.
2. Къырым Мухтар Джумхуриети Юкъары Радасынынъ 2001 сенеси ноябрь 21-де къабул этильген 2145-2/01 санлы Къарары нетиджесинде тешкиль олунгъан Къырым Мухтар Джумхуриетинде ерли мустакъиль идарелигине къол тутув ве инкишафы комплекс планларны амельге кечирюв боюнджа Координацион шурасына юкъары къайд этильген Комплекс планынынъ тедбирлерини амельге кечирмек авале этильсин.
3. 2010 сенесине Къырым Мухтар Джумхуриетинде ерли мустакъиль идарелигине къол тутув ве инкишафы Комплекс планынынъ тедбирлерини малиенен теминлемек ичюн масрафларнынъ сметасы тасдикълансын (иляве этиле)*.
4. Къырым Мухтар Джумхуриетининъ 2010 сенесине бюджет лейихасы тешкиль этильмеси заманда Къырым Мухтар Джумхуриетининъ назирлер Шурасынен ашагъыдакилер козь огюне алынсын:
2010 сенесине Къырым Мухтар Джумхуриетинде ерли мустакъиль идарелигине къол тутув ве инкишафы Комплекс планына айры сатырнен 80,0 бинъ грн. микъдарында макъсадлы малиевий теминлев;
2010 сенесинде ерли мустакъиль идарелигининъ инкишафы Бутюнкъырым лейихалар ве программалар арышы отькерильмесини малиенен теминлевине ве гъалип чыкъкъан лейихалар ве программаларнынъ амельге кечирильмеси ичюн 3,5 млн.грн. микъдарында пара.
5. Юкъары къайд этильген тедбирлерининъ эда этильмеси акъкъында эсабатыны 2011 сенеси февраль айында Къырым Мухтар Джумхуриетининъ Юкъары Радасына теклиф этмек мезкюр Къарарнынъ 2 пунктында къайд этильген Координацион шурасына авале этильсин.
6. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ ерли мустакъиль идарелиги ве мемурий-территориаль меселелери боюнджа Даимий комиссиясына авале этильсин.
7. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, ноябрь 18, № 1453-5/09 |