Къырым Мухтар Джумхуриети Анаясасынынъ 26 маддесиндеки экинджи къысымынынъ 1 пунктына, Къырым Мухтар Джумхуриети Юкъары Радасынынъ 1999 сенеси апрель 21-де къабул этильген 459-2/99 санлы Къарарынен тасдикълангъан Къырым Мухтар Джумхуриетине аит я да онынъ идарелигине теслим этильген мулькиетинен идаре этюв тертиби акъкъында Низамнамеге мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. «Яшларгъа мескен кредитлев Фонду» Къырым джумхурий махсуслаштырылгъан малие муэссисесинде 3,0 млн. грн. колеминде темелли сермия тешкиль этильсин.
2. Къырым Мухтар Джумхуриетининъ назирлер Шурасына авле этильсин:
Къырым Мухтар Джумхуриетининъ 2009 сенеси бюджетине тайинленген тертипте денъишмелер кирсетильген вакъытында «Яшларгъа мескен кредитлев Фонду» Къырым джумхурий махсуслаштырылгъан малие муэссисесининъ темель сермиясына 3,0 млн. грн. бедель тахсис этильсин;
«Яшларгъа мескен кредитлев Фонду» Къырым джумхурий махсуслаштырылгъан малие муэссисесининъ тесис весикъаларыны мезкюр Къараргъа, амельдеки къанунджылыгъынен тайинленген тертипте ве муддетлеринде, мувафыкъ кетирмек;
«Яшларгъа мескен кредитлев Фонду» Къырым джумхурий махсуслаштырылгъан малие муэссисеси Девлет малие муэссиселерининъ реестринде джедвельге алынсын.
3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ икътисадий, бюджет-малие ве берги сиясети ве Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, ноябрь 18, № 1452-5/09 |