Къырым Мухтар Джумхуриети Анаясасынынъ 26 маддесиндеки экинджи къысымынынъ 11 пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 маддесиндеки экинджи къысымынынъ 12 пунктына, Украина Назирлер Кабинетининъ 2004 сенеси июль 13-те къабул этильген «Умумтасиль, мутехассыс-техник ве алий окъув юртларны табиат-математик ве технологик фенлери боюнджа земаневий техник окъутув васталарынен теминлев Комплекс программасыны тасдикълав акъкъында» 905 санлы Къарарына мувафыкъ, коммуналь ве джумхурий мулькчилик шекиллериндеки умумтасиль окъув юртларыны ве мутехассыс-техник окъув юртларыны спорт донатмасынен, коммуналь мулькчилик шекилиндеки умумтасиль окъув юртларыны табиат-математик ве технологик фенлери боюнджа земаневий техник окъув васталарынен теминлев макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Коммуналь ве джумхурий мулькчилик шекиллериндеки умумтасиль окъув юртларыны, мутехассыс-техник окъув юртларыны спорт донатмасынен, табиат-математик ве технологик фенлери боюнджа земаневий техник окъутув васталарынен теминлев 2009—2011 сенелерине Джумхурий программасы тасдикълансын (иляве этиле)1.
2. Къырым Мухтар Джумхуриетининъ 2009 сенесине бюджетине тайинленген тертипте денъишмелер кирсетювде ве Къырым Мухтар Джумхуриетининъ 2010—2011 сенелерине бюджетининъ лейихаларыны азырлавда коммуналь ве джумхурий мулькчилик шекиллериндеки умумтасиль окъув юртларыны, мутехассыс-техник окъув юртларыны спорт донатмасынен, табиат-математик ве технологик фенлери боюнджа земаневий техник окъутув васталарынен теминлев 2009—2011 сенелерине Джумхурий программасыны амельге кечирмек ичюн паралар козьде тутмакъ Къырым Мухтар Джумхуриетининъ назирлер Шурасына авале этильсин.
3. Коммуналь мулькчилик шекилиндеки умумтасиль окъув юртларыны табиатматематик ве технологик фенлери боюнджа земаневий техник окъув васталарынен теминлев 2009—2011 сенелерине региональ программаларнынъ тайинленген тертипте ишлеп чыкъарылмасы ве тасдикъланмасы ве оларнынъ малиенен теминленмеси Къырым Мухтар Джумхуриетинде шеэр шураларынынъ иджра комитетлерине ве район девлет мемуриетлерине тевсие этильсин.
4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, ноябрь 18, № 1449-5/09 |