Къырым Мухтар Джумхуриети Анаясасынынъ 18 маддесиндеки биринджи къысымынынъ 17 пунктына, 26 маддесиндеки экинджи къысымынынъ 1, 11 пунктларына, Украина Президентининъ 2009 сенеси июнь 23-те къабул этильген «Украина окъув юртларында балалар ве яшларнынъ бедений тербиелев къурулышыны тертиплештирюв ве балалар-яшлар спорты инкишафы боюнджа базы тедбирлер акъкъында» 478/2009 санлы Ферманынынъ 5 пунктына мувафыкъ, эм де Къырым Мухтар Джумхуриетинде эали яшагъан еринде ве кутьлевий истираат ерлеринде беден тербиеси ве спортнынъ инкишафы ичюн лязим шартлар тизильмеси макъсады иле
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ «Спорт мейданчыгъы» 2010—2014 сенелерине Программасы тасдикълансын (иляве этиле)1.
2. Къырым Мухтар Джумхуриетининъ «Спорт мейданчыгъы» 2010—2014 сенелерине Программасы беджерильмесине Къырым Мухтар Джумхуриетининъ бюджети лейихаларыны тешкиль этювде эр йыл тахсислер козьде тутмакъ Къырым Мухтар Джумхуриетининъ назирлер Шурасына авале этильсин.
3. Къырым Мухтар Джумхуриетининъ «Спорт мейданчыгъы» 2010—2014 сенелерине Программасы эда этильмесининъ кетишаты акъкъында эсабатыны Къырым Мухтар Джумхуриетининъ Юкъары Радасына декабрь 30 кунюнедже эр йыл такъдим этмек Къырым Мухтар Джумхуриетининъ бедений тербиелев ве спорт боюнджа Джумхурий комитетине авале этильсин.
4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, ноябрь 18, № 1448-5/09 |