КъМДж ЮР Къарары

ЕР АСТЫ БАЙЛЫКЪЛАРЫНДАН фАЙДАЛАНМАКЪ ИчЮН МАХСУС ИзИНЛЕРНИНЪ АУКЦИОН ВАСТАСЫНЕН САТЫЛМАСЫНЫ УЙГЪУН-ЛАШТЫРУВ АКЪКЪЫНДА

Къырым Мухтар Джумхуриети Анаясасынынъ 18 маддесиндеки биринджи къысымы-нынъ 2 ве 9 пунктларына, 26 маддесиндеки экинджи къысымынынъ 31 пунктына, ер асты байлыкълары акъкъында Украина Къануннамесининъ 9 маддесиндеки биринджи къысымынынъ 2 пунктына, «2009 сенесине Украина Девлет бюджети акъкъында» Украина Къанунынынъ 5 маддесине ве, Украина Назирлер Кабинетининъ 2009 сенеси июнь 17-де къабул этильген 608 санлы Къарарынен тасдикълангъан ер асты байлыкъларындан файдаланмакъ ичюн 2009 сенесинде махсус изинлер такъдим этюв Тертибине мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкъларындан файдаланмакъ ичюн махсус изинлерни аукцион вастасынен сатылмасы уйгъунлаштырылсын:

1) Къырым Мухтар Джумхуриетининъ Белогорск районында Бешарань IV ер догъумында пычма киречташлар ишлеп чыкъармакъ ичюн;

2) Къырым Мухтар Джумхуриетининъ Раздольное районында Серебрянское-2 ер догъумында пычма киречташлар ишлеп чыкъармакъ ичюн;

3) Къырым Мухтар Джумхуриетининъ Первомайское районында Первомайское-Новое ер догъумында пычма киречташлар ишлеп чыкъармакъ ичюн;

4) Пычма киречташлар ер догъумыны кешф этмек макъсадларында Къырым Мухтар Джумхуриетининъ Сакъ районында Кольцовский арсасыны амелий-истисал ишлеп чыкъарув имкяны олгъан геологик теткъикъаты боюнджа ишлер алып бармакъ ичюн;

5) Пычма киречташлар ер догъумыны кешф этмек макъсадларында Къырым Мухтар Джумхуриетининъ Сакъ районында Южно-Олеговская мейданлыгъында амелий-истисал ишлеп чыкъарув имкяны олгъан геологик теткъикъаты боюнджа ишлер алып бармакъ ичюн;

6) Пычма киречташлар ер догъумыны кешф этмек макъсадларында Къырым Мухтар Джумхуриетининъ Сакъ районында Северо-Олеговская мейданлыгъында амелий-истисал ишлеп чыкъарув имкяны олгъан геологик теткъикъаты боюнджа ишлер алып бармакъ ичюн;

7) Къырым Мухтар Джумхуриетининъ Белогорск районында Северо-Баксанское ер догъумында пычма киречташлар ишлеп чыкъармакъ ичюн.

2. «Тарханкутский» миллий табиат багъчасы къорув зонасы сынъырларында мезкюр дамартысы булунмасы себеби иле углеводород ер догъумыны кешф этмек макъсадларында Къырым Мухтар Джумхуриетининъ Черноморское районында Родниковая мейданлыгъында амелий-истисал ишлеп чыкъарув имкяны олгъан геологик теткъикъаты боюнджа ишлер алып бармакъ ичюн ер асты байлыкъларындан файдаланмакъ ичюн махсус изинлер аукцион вастасынен сатылмасыны уйгъунлаштырувда ред этмек.

3. Мезкюр Къарар къабул этильген кунюнден арекетке кире.