Къырым Мухтар Джумхуриети Анаясасынынъ 18 маддесиндеки биринджи къысымынынъ 2 ве 9 пунктларына, 26 маддесиндеки экинджи къысымынынъ 31 пунктына, Ер асты байлыкълары акъкъында Украина Къануннамесининъ 9 маддесиндеки 2 пунктына, 16 ве 19 мадделерине, Украина Назирлер Кабинетининъ 2009 сенеси июнь 17-де къабул этильген 608 санлы Къарарынен тасдикълангъан ер асты байлыкъларындан файдаланмакъ ичюн 2009 сенесинде махсус изинлер такъдим этюв Тертибининъ 8 пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Ер асты байлыкъларындан файдаланмакъ ичюн махсус изинлер такъдим этильмеси акъкъында ресмий риджалар уйгъунлаштырылсын:
1) «Надра Украины» «Крымгеология» Миллий акционер ширкетининъ ярдымджы ишханесине (Симферополь ш.) — Ленино районы Керлеутская (углеводород) дамартысында амелий-истисал ишлеп чыкъарув имкяны олгъан геологик теткъикъаты боюнджа ишлер алып барылмасы ичюн;
2) «Къырым сода заводы» (Красноперекопск ш.) ачыкъ акционер джемиетине — Красноперекопск районы «Сольпром» техник ер асты сувлары дамартысында (№№ 6510, 6506, 6512, 6514, 6504, 6505, 6511 бужарлары) ер асты сувларны ишлеп чыкъармакъ ичюн;
3) Украина сагълыкъны сакълав Назирлигининъ (Евпатория ш.) «Здравница» балалар ичюн махсуслаштырылгъан (махсус) тедавийлев санаторийи» девлет муэссисесине — Евпатория ш. Евпаторийское дамартысында (№ 6408 бужары) Курортный арсасында минерал («денъиз» чешитиндеки) ер асты сувларны ишлеп чыкъармакъ ичюн.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, октябрь 21, № 1423-5/09 |