Украина Анаясасынынъ 137 маддесиндеки биринджи къысымынынъ 2 пунктына, Къырым Мухтар Джумхуриети Анаясасынынъ 18 маддесиндеки биринджи къысымынынъ 2 ве 9 пунктларына, 26 маддесиндеки экинджи къысымынынъ 31 пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 маддесиндеки би-ринджи къысымынынъ 2 пунктына, ер асты байлыкълары акъкъында Украина Къануннамеси-нинъ 9 маддесиндеки 1 пунктына, 17 маддесине, Украина Назирлер Кабинетининъ 1995 сенеси январь 27-де къабул этильген 59 санлы Къарарынен тасдикълангъан дагъ арсаларыны такъ-дим этюв тертиби акъкъында Низамнамесине мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Симферополь — Феодосия автомобиль елундан 8 км арасы дженюп тарафкъа, Межгорье к-ден 1 км арасы шималь тарафкъа Къырым Мухтар Джумхуриетининъ Белогорск районынынъ Зеленогорское кой шурасы топракъларында ерлешкен 45,6 га умумий мейданлыкътаки Баксанское ер догъумында мермер киречташлар ишлеп чыкъармакъ ичюн «Белогорск къуру-джылыкъ мальземелери заводы» (Белогорск ш.) ачыкъ акционер джемиетине мааллий эмиети олгъан ер асты байлыкъларыны ишлеп чыкъарылмасы ичюн дагъ арсалары такъдим этильсин, 2007 сенеси декабрь 18-де къабул этильген 4615 санлы ер асты байлыкъларындан файдаланмакъ ичюн махсус изиннинъ арекет этюв муддетине (2027 сенеси декабрь 18 кунюне къадар).
2. «Евпатория денъиз тиджарет лиманы» девлет ишханесине эвель такъдим этильген, ер асты байлыкъларындан файдаланмакъ ичюн махсус изинни лягъу этюв акъкъында меселеси музакере этильмеси себеби иле мааллий эмиети олгъан ер асты байлыкъларыны ишлеп чыкъармакъ ичюн дагъ арсасы такъдим этильмесинде «Евпатория денъиз тиджарет лиманы» девлет ишханесине ред этильсин.
3. Дагъ арсасы такъдим этильмеси акъкъында акт тайинленген нумюнеде эки нусхада «Белогорск къуруджылыкъ мальземелери» ачыкъ акционер джемиетине такъдим этильсин.
4. Мааллий эмиети олгъан ер асты байлыкъларыны ишлеп чыкъарылмасы ичюн такъдим этильген дагъ арсасыны девлет дагъ незарети органларында тайинленген тертипте джедвельге алмакъ «Белогорск къуруджылыкъ мальземелери заводы» ачыкъ акционер джемиетине авале этильсин.
5. Такъдим этильген дагъ арсасы ве дагъ арсасы лейихасынынъ экинджи нусхалары «Южэкогеоцентр» Девлет ишханесине къорулмасы ичюн такъдим этильсин.
6. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, октябрь 21, № 1420-5/09 |