Къырым Мухтар Джумхуриети Анаясасынынъ 26 маддесиндеки экинджи къысымынынъ 1, 4 пунктларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ мескен-коммуналь ходжалыгъы Назирлигининъ идарелиги саасында булунгъан махсуслашытырылгъан ишханелерининъ коммуналь мулькиетине я да ходжалыкъ идарелигине Къырым Мухтар Джумхуриетине аит мескен фонду объектлери (шу сырада ятакъханелер) ве ичтимаий-медений эмиети олгъан объектлери теслим этильмесинен багълы масрафларыны малиенен теминлемек ичюн Къырым Мухтар Джумхуриетининъ инкишафы бюджетининъ параларындан файдаланув тертиби акъкъында Низамнамеси тасдикълансын (иляве этиле).
2. Ашагъыдакилери озь кучьни джойды деп сайылсын:
Къырым Мухтар Джумхуриети Юкъары Радасынынъ 2005 сенеси сентябрь 28-де къабул этильген «Къырым Мухтар Джумхуриетине аит мулькиетинен идаре этюв меселелери акъкъында» 1448-4/05 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2005 с., № 9, 850 мад.; 2006 с., № 9, 759 мад.) 15 пункты;
Къырым Мухтар Джумхуриети Юкъары Радасынынъ 2006 сенеси сентябрь 22-де къабул этильген «Къырым Мухтар Джумхуриетине аит мулькиетинен идаре этюв меселелери акъкъында» 195-5/06 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2006 с., № 9, 759 мад.) 14 пункты.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, октябрь 21, № 1412-5/09 |