КъМДж ЮР Къарары

2010 сенеси къырым карайлары ве къырымчакъларнынъ тарихий-медений мирасы сакъланмасы боюнджа тедбирлер акъкъында

Къырым Мухтар Джумхуриети Анаясасынынъ 14 маддесине мувафыкъ, къырым карайлары ве къырымчакъларнынъ этнос, медениет ве тилини сакъламакъ макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. 2010 сенеси къырым карайлары ве къырымчакъларнынъ тарихий-медений мирасы сакъланмасы боюнджа тедбирлер тасдикълансын (иляве этилелер)

2. Къырым Мухтар Джумхуриетининъ назирлер Шурасы:

Къырым Мухтар Джумхуриетининъ 2010 сенесине бюджет лейихасыны азырлагъанда тасдикълангъантедбирлер отькерильмесине 670,0 бинъ грн. микъдарында паралар козьде тутсын;

Къырым карайлары ве къырымчакъларнынъ тарихий-медений мирасы сакъланмасы боюнджа тедбирлер эда этильмеси ишлерини идаре этсин.

3. 2010 сенеси къырым карайлары ве къырымчакъларнынъ тарихий-медений мирасы сакъланмасы боюнджа ерли тедбирлер ишлеп чыкъарув ве тасдикълав Къырым Мухтар Джумхуриетининъ ерли мустакъиль идарелиги органларына тевсие этильсин.

4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ миллетлерара мунасебетлер ве сюргюн этильген гражданларнынъ меселелери боюнджа Даимий комисиясына авале этильсин.

5. Мезкюр Къарар къабул этильген кунюнден арекетке кире.