Къырым Мухтар Джумхуриети Анаясасынынъ 18 маддесиндеки учюнджи къысымына, 26 маддесиндеки экинджи къысымынынъ 36 пунктына ве Къырым Мухтар Джумхуриети Юкъары Радасынынъ 1998 сенеси декабрь 24-те къабул этильген 315-2/98 санлы Къарарынен тасдикълангъан Къырым Мухтар Джумхуриети акимиетининъ векялетли ве эда этиджи органларнынъ Украина регионларынен ве эджнебий девлетлернинъ регионларынен ичтимаий-икътисадий ве медений сааларында ишбирлиги акъкъында мукъавелелерини азырлав, мукъавеле тизюв, амельге кечирюв ве арекет этювини токътатув тертиби акъкъында Низамнамеге мувафыкъ, Къырым Мухтар Джумхуриети (Украина) ве Тамбов виляети (Русие Федерациясы) арасында ишбирлигининъ илери инкишафы макъсады иле
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ назирлер Шурасы (Украина) ве Томбов виляетининъ Мемуриети (Русие Федерациясы) арасында тиджарет-икътисадий, ильмий-техникий ве гуманитар-медений ишбирлиги акъкъында Мукъавелеси тасдикълансын (иляве этиле)1.
2. Мезкюр Мукъавелесини амельге кечирюв боюнджа тедбирлернинъ эда этильмеси Къырым Мухтар Джумхуриетининъ назирлер Шурасына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, сентябрь 16, № 1349-5/09 |