КъМДж ЮР Къарары

Къырым Мухтар Джумхуриетининъ окъув юртларында Къырым Мухтар Джумхуриети Анаясасынынъ низамнамелерини огренюв боюнджа тедбирлер акъкъында

Къырым Мухтар Джумхуриети Анаясасынынъ 6, 9 мадделерине, 18 маддесиндеки биринджи къысымынынъ 17, 18 пунктларына, 26 маддесиндеки экинджи къысымынынъ 1, 13 пунктларына мувафыкъ, Къырым Мухтар Джумхуриетининъ анаяса векялетлерини амельге кечирюв кетишатларында гражданларнынъ иштираги лязим олгъаныны Къырым сакинлеринде тербиелев, эм де Къырым Мухтар Джумхуриетини, Къырым Мухтар Джумхуриетининъ Юкъары Радасыны ве Къырым Мухтар Джумхуриетининъ назирлер Шурасыны алып барув, Къырым Мухтар Джумхуриетинде ерли мустакъиль идарелиги органларынен озь векялетлери беджерильмеси меселелери боюнджа окъув юртларында махсус бильги алувны теминлев макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2005 сенеси декабрь 24-де къабул этильген 1542-4/05 санлы Къарарынен (Къырым Мухтар Джумхуриетининъ норматив-укъукъий актлар Топламы, 2005 с., № 12, 1122 мад.) тасдикълангъан Къырым Мухтар Джумхуриетининъ эалисине укъукъ боюнджа тасиль берюв 2006—2010 сенелерине Программасына ашагъыдаки денъишмелер кирсетильсин:

III болюгининъ 1 пунктында:

1.1 пунктастында «окъув-тербиелев иши» сезлерине «ве Къырым Мухтар Джумхуриети Анаясасынынъ низамнамелери боюнджа козетювлер-ярышлар» сезлери къошулсын;

1.4 пунктастында «амельдеки къанунджылыгъы» сезлерине «ве Къырым Мухтар Джумхуриетининъ, Къырым Мухтар Джумхуриети Юкъары Радасынынъ, Къырым Мухтар Джумхуриети назирлер Шурасынынъ, ерли мустакъиль идарелиги органларынынъ анаяса векялетлери» сезлери къошулсын.

2. Къырым Мухтар Джумхуриетининъ назирлер Шурасына ашагъыдаки ишлер тешкиль этильсин:

мулькиетининъ девлет, джумхуриет ве коммуналь шекиллериндеки окъув юртларында Къырым Мухтар Джумхуриети Анаясасынынъ низамнамелерини огренюв боюнджа махсус курслар программаларыны амельдеки къанунджылыгъынен козьде тутулгъан тертипте окъув-тербиелев кетишатында ишлеп чыкъарув, тасдикълав ве файдаланув боюнджа;

Къырым Мухтар Джумхуриети Анаясасыны огренюв боюнджа региональ окъув къулланмалар азырлав ве 2009/2010 окъув сенелерининъ окъув кетишатына оларны Украина тасиль ве илим Назирлигинен уйгъунлыштырылмасы иле амельге кечирюв боюнджа;

Къырым Мухтар Джумхуриетининъ, Къырым Мухтар Джумхуриети Юкъары Радасынынъ, Къырым Мухтар Джумхуриети назирлер Шурасынынъ, ерли мустакъиль идарелиги органларынынъ анаяса векялетлерине аит малюмат ве ильмий-кутьлевийлештирюв табиаты иле неширлернинъ чыкъышы боюнджа.

3. Къырым Мухтар Джумхуриети назирлер Шурасынынъ 1998 сенеси декабрь 22-де къабул этильген «1999—2010 сенелерине Къырым Мухтар Джумхуриетинде умумий орта тасилятнынъ инкишаф Региональ программасыны тасдикълав акъкъында» 403 санлы Къарарыны Къырым Мухтар Джумхуриетининъ Анаясасына ве мезкюр Къарарына 2009 сенеси ноябрь 1-дже мувафыкъ кетирмек Къырым Мухтар Джумхуриетининъ назирлер Шурасына авале этильсин.

4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.