КъМДж ЮР Къарары

2009—2010 сенелерине «Мектеп автобусы» Джумхуриет программасы акъкъында

Къырым Мухтар Джумхуриети Анаясасынынъ 26 маддесиндеки экинджи къысымынынъ 11 пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 маддесиндеки экинджи къысымынынъ 12 пунктына, Украина Назирлер Кабинетининъ «Мектеп автобусы» Программасыны тасдикълав акъкъында» 2003 сенеси январь 16-да къабул этильген 31 санлы Къарарына мувафыкъ, яшагъан ерине бакъмадан мектеп балларына ве осьмюрлерге толу умумий орта тасиль бермек ичюн тенъ шартлар тизмек, кой ерлеринде окъуйыджыларны вакътында бедава орта тасиль окъув биналаргъа ве эвге ташувны тешкиль этюв шартларны эйилештирюв, хавсыз ташув шартлары иле теминлев макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. 2009—2010 сенелерине «Мектеп автобусы» Джумхуриет программасы тасдикълансын (иляве этиле)1.

2. Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясынен бирликте Къырым Мухтар Джумхуриетининъ назирлер Шурасынен:

«Мектеп автобусы» Джумхуриет программасы 2009—2010 сенелеринде эда этильмеси боюнджа тедбирлер къабул этильсин;

2009 сенесине Къырым Мухтар Джумхуриетининъ бюджетине тайинленген тертипте денъишмелер кирсетюв ве Къырым Мухтар Джумхуриетининъ 2010 сенесине бюджет лейхасы тешкиль этильмеси вакъытында тасиль саасына тахсис этильген паралары сынъырларында 2009—2010 сенелерине «Мектеп автобусы» Джумхуриет программасы тедбирлери малиенен теминленмеси козь огюне алынсын.

3. «Мектеп автобусы» региональ программасыны 2009 сенеси ноябрь 1-дже Къырым Мухтар Джумхуриетининъ ерли мустакъиль идарелиги органларынен ишлеп чыкъармакъ ве тасдикъламакъ тевсие этильсин.

4. Къырым Мухтар Джумхуриети Юкъары Радасынынъ 2003 сенеси сентябрь 17-де къабул этильген «Мектеп автобусы» Джумхуриет программасыны тасдикълав акъкъында» 662‑3/03 санлы Къарары (Къырым Мухтар Джумхуриетининъ норматив-укъукъий актлар Топ­ламы, 2003 с., № 9, 715 мад.; 2005 с., № 9, 803 мад.; 2006 с., № 11, 1006 мад.) озь кучьни джойды деп сайылсын.

5. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.

6. Мезкюр Къарар къабул этильген кунюнден арекетке кире.