Украина Назирлер Кабинетининъ 2008 сенеси сентябрь 3-те къабул этильген 1163-р санлы эмиринен тасдикълангъан 2015 сенесинедже Девлет региональ инкишафы елларыны амельге кечирюв боюнджа 2009 сенесине тедбирлернинъ 4 пунктынынъ 4 пунктасты эда этильмеси ичюн, Къырым Мухтар Джумхуриетининъ эалисини мескеннен теминлевини арттырув ичюн эльверишли шартлар яратув макъсады иле
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде 2009 сенесине мескен къуруджылыгъы инкишафы Комплекс программасы тасдикълансын (иляве этиле)1.
2. Юкъары къайд этильген Комплекс программасы эда этильмеси боюнджа тедбирлер къабул этмек Къырым Мухтар Джумхуриетинде девлет мимарджылыкъ-къуруджылыкъ незарети Муфеттишлиги иле, Къырым Мухтар Джумхуриетинде шеэр шуралары ве район девлет мемуриетлеринен бирликте Къырым Мухтар Джумхуриетининъ назирлер Шурасына авале этильсин.
3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетик комплекси боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, сентябрь 16, № 1342-5/09 |