Къырым Мухтар Джумхуриети Анаясасынынъ 18 маддесиндеки биринджи къысымынынъ 13 пунктына, 26 маддесиндеки экинджи къысымынынъ 1 пунктына
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2008 сенеси июнь 18-де къабул этильген «Къырым Мухтар Джумхуриетинде 2008—2011 сенелерине санайы комплекси инкишафы Программасы акъкъында» 898-5/08 санлы Къарарына (Къырым Мухтар Джумхуриетининъ норматив-укъукъий актлар Топламы, 2008 с., №° 6, 452 мад.) ашагъыдаки денъишмелер кирсетильсин:
1) 4 пункт ашагъыдаки тарирде тарз этильсин:
«4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына, Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетик комплекси боюнджа Даимий комиссиясына эм де аграр ве топракъ меселелери, экологик ве табиаттан анълакъсал файдаланув боюнджа Даимий комиссиясына авале этильсин»;
2) мезкюр Къарарнен тасдикълангъан Къырым Мухтар Джумхуриетининъ 2008—2011 сенелерине санайы комплексининъ инкишафы Программасында:
III болюгининъ 1 пунктастында экинджи сатыр башы ашагъыдаки тарирде тарз этильсин:
«ракъип къабилиетли махсулатны истисал этюв колемлерини арттырув, бутюн чешит дереджели бюджетлерге келирлернинъ, шу сырада Къырым Мухтар Джумхуриетининъ бюджетине акциз малдан келирлернинъ осюви, импорт махсулатларны эксильтмек ве чаршыдаки янъы сегментлерини огренюв макъсадларында санайы истисалнынъ техник-технологик базасыны янъылаштырув ве мукеммеллештирюв»;
2 Илявесинде:
I болюгинде «Икътисадий елу»:
2-нджи сатыр ашагъыдаки тарирде арз этильсин:
| 1 | 2 | 3 | 4 | 5 | 6 |
|---|---|---|---|---|---|
| 2. | Къырым Мухтар Джумхуриетинде махсулатларнынъ истисалыны этюв колемлерни арттырув ве бергили малларнынъ осювини теминлеген, махсулатларнынъ янъы шекиллерини амельге кечирювген, бизнес-плангъа мувафыкъ ресурс икътисат эткен технологик васталарны ишлеткен, акциз малны истисал этиджи ишханелерни икъитисадий рагъбетлендирюв акъкъында низамнаме ишлеп чыкъарув ве амельге кечирюв | 2008—2011 | КъМДж икътисадият Назирлиги, КъМДж малие Назирлиги, КъМДж аграр Назирлиги | Санайы истисалнынъ колемини арттырув, эписи дередже бюджетлерге кельген параларнынъ осюви, янъы иш ерлер яратув | КъМДж бюджети |
ашагъыдаки мундериджели 17-1 сатыр къошулсын:
| 1 | 2 | 3 | 4 | 5 | 6 |
|---|---|---|---|---|---|
| 17-1. | Акциз малларны истисал этиджи ишханелер тарафындан истисалыны арттырмакъ ичюн махсулатларнынъ янъы шекиллерини файдаланув иле ве ресурс икътисат эткен технологик васталарны файдаланув иле анълакъсал шартлар яратув | 2009—2011 | КъМДж аграр сиясетининъ Назирлиги, акциз мал истисал этиджи ишханелер | Акциз махсулатларнынъ истисалы колемлернинъ осюви, мальземелернинъ фиятындан бир къысымыны телев, янъы технологик кетишатларны ишлеп чыкъарув ве кирсетюв | Ишханелернинъ озь паралары, КъМДж бюджети |
2. Къырым Мухтар Джумхуриети Юкъары Радасынынъ 2008 сенеси июнь 18-де къабул этильген «Кредитлерни уджузлаштырув механизми вастасы иле инновацион (салым) лейхаларыны амельге кетирюв ичюн Къырым Мухтар Джумхуриетининъ бюджети параларына ишханелерге малие ярдым косьтерюв тертиби акъкъында» 912-5/08 санлы Къарарына (Къырым Мухтар Джумхуриетининъ норматив-укъукъий актлар Топламы, 2008 с., № 6, 466 мад., № 9, 709 мад.; 2009 с., № 5, 353 мад.) ашагъыдаки денъишмелер кирсетильсин:
ады ашагъыдаки тарирде арз этильсин:
«Кредитлерни уджузлаштырув механизми вастасы иле инновацион (салым) лейхаларыны амельге кечирюв ичюн Къырым Мухтар Джумхуриетининъ бюджети параларына ишханелерге малие ярдым косьтерюв ве Къырым Мухтар Джумхуриетининъ бюджет паралары эсабына акциз малларны истисал эткен ишханелерни икъитисадий рагъбетлендирюв акъкъында»;
ашагъыдаки мундериджели 1-1 ве 1-2 пунктлар къошулсын:
«1-1. Къырым Мухтар Джумхуриетининъ бюджет паралары эсабына махсулатларны истисал этюв колемини арттырув ве малнынъ осювини теминлеген акциз малны истисал этиджи ишханелерни икъитисадий рагъбетлендирюв тертиби акъкъында Низамнаме тасдикълансын (иляве этиле)1.
1-2. Къырым Мухтар Джумхуриетининъ бюджет паралары эсабына акциз малларны истисал эткен ишханелерни икъитисадий рагъбетлендирюв боюнджа Комиссиясынынъ теркиби тасдикълансын (иляве этиле)*»;
2 пункт ашагъыдаки тарирде тарз этильсин:
«2. Къырым Мухтар Джумхуриетининъ бюджети параларынынъ баш такъсимлейиджилери оларакъ ашагъыдакилери боюнджа тасдикълансын:
инновацион (салым) лейхаларны амельге кечирюв ичюн Къырым Мухтар Джумхуриетининъ бюджети паралары эсабына ишханелерге малие ярдым косьтерюв — Къырым Мухтар Джумхуриетининъ санайы сиясети, накълие, алякъа ве якъарлыкъ-энергетик комплекси Назирлиги;
Къырым Мухтар Джумхуриетинде акциз малны истисал этиджи ишханелерини икътисадий рагъбетлендирюв — Къырым Мухтар Джумхуриетининъ аграр сиясети Назирлиги, менсюп йылгъа Къырым Мухтар Джумхуриетининъ бюджетинен башкъа чаре козь огюне алынмагъан заманда».
3. Къырым Мухтар Джумхуриетининъ назирлер Шурасына авале этильсин:
озь норматив-укъукъий актларны мезкюр Къараргъа мувафыкъ кетирмек;
мезкюр Къарарнынъ 2 пунктынынъ эда этюв акъибетини 2009 сенеси ичинде козь этюв, козь этильген акъибетлери 2010 сенеси февраль айында «Крымские известия» газетасында дердж этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, сентябрь 29, № 1381-5/09 |