Постановление ВР АРК (регуляторный акт)

Къырым Мухтар Джумхуриети Юкъары Радасынынъ 1998 сенеси ноябрь 19-да къабул этильген «Къырым Мухтар Джумхуриетине аит мулькиетининъ иджареси ичюн телевни­ эсаплав, олештирюв ве файдаланув тертибининъ Усулиети акъкъында» 274-2/98 санлы Къарарына денъишмелер кирсетюв акъкъында

Украина Анаясасынынъ 138 маддесиндеки биринджи къысымынынъ 3 пунктына, «Девлет ве коммуналь мулькиетининъ иджареси акъкъында» Украина Къанунынынъ 19 маддесиндеки экинджи къысымына, Къырым Мухтар Джумхуриети Анаясасынынъ 26 маддесиндеки экинджи къысымынынъ 1 пунктына мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 1998 сенеси ноябрь 19-да къабул этильген «Къырым Мухтар Джумхуриетине аит мулькиетининъ иджареси ичюн телевни эсаплав­, олештирюв ве файдаланув тертибининъ Усулиети акъкъында» 274-2/98 санлы Къа­рарына (Къырым Мухтар Джумхуриетининъ норматив-укъукъий актлар Топламы, 1998 с., № 11, 897 мад.; 2007 с., № 5, 448 мад., № 7, 687 мад., № 10, 1005 мад., № 11, 1144 мад.; 2008 с., № 2, 70 мад., № 5, 377 мад., 386 мад.) ашагъыдаки денъишмелер кирсетильсин:

1) ады ашагъыдаки тарирде тарз этильсин:

«Къырым Мухтар Джумхуриетине аит мулькиетининъ иджареси (иджареде иджаре­си) ичюн телевни эсаплав, олештирюв ве файдаланув тертибининъ Усулиети акъкъында»;

1 пунктында:

«ве тертиби» сезлери «ве тертибини» сезлерине денъиштирильсин;

«иджареси ичюн» сезлери «иджареси (иджареде иджареси) ичюн» сезлерине денъиш­тирильсин;

2 ве 3 пунктлары озь кучьни джойды деп сайылсын;

7 пунктында:

«ве тертиб» сезлери «ве тертибини» сезлерине денъиштирильсин;

«иджареси ичюн» сезлери «иджареси (иджареде иджареси) ичюн» сезлерине денъиш­тирильсин;

2) мезкюр Къарарнен тасдикълангъан Къырым Мухтар Джумхуриетине аит мулькие­тининъ иджареси (иджареде иджареси) ичюн телевни эсаплав, олештирюв ве файдаланув тертибининъ­ Усулиетинде:

I болюгинде:

8 пункт ашагъыдаки тарирде тарз этильсин:

«8. Къырым Мухтар Джумхуриетине аит мулькиетини иджареге бермек укъукълары олгъан:

8.1. Къырым Мухтар Джумхуриетининъ мулькиети Фонду — ишханелернинъ болюнмеген мулькиети комплекслери, оларнынъ къурулыш болюклерине (филиаллар, цехлер, болюклер) ве ташылмагъан мулькиетине даир, эм де саиплештирюв (кучюк тешкилятларны бирлештирюв) кетишатында мейдангъа кетирильген ходжалыкъ джемиетлернинъ ве коллектив кой­ходжалыгъы ишханелернинъ темель фондларына кирсетильмеген мулькиетине даир.

Къырым Мухтар Джумхуриетининъ Юкъары Радасынен тайинленген­тертипте Къырым Мухтар Джумхуриетининъ мулькиети Фонду тарафындан Къырым Мухтар Джумхуриетине аит мулькиети иле ишханелернинъ болюнмеген мулькиети комплекслери, оларнынъ къурулыш болюклери (филиал-лар, цехлер, болюклер) боюнджа иджаре мукъавелелер тизиле.

Ишханелернинъ болюнмеген мулькиет комплекслерининъ (къурулыш болюклерининъ) иджаре мукъавелелери Къырым Мухтар Джумхуриетине аит мулькиети­ иле ишханенинъ болюнмеген мулькиети комплекси боюнджа иджаре Шекиль мукъ­авелесине аит олмасы зарур (3 Иляве).

8.2. Ишханелер, муэссиселер, тешкилятлар, окъув юртлар, Къырым Мухтар Джумхуриети Юкъары Радасынынъ ишлери Идарелиги, Къырым Мухтар Джумхуриети назирлер Шу­расынынъ Ярдымджы хызмети — баланстаки, 200 м2 зияде олмагъан умумий мейданлыгъы иле ташылмагъан мулькиетине даир, Къырым Мухтар Джумхуриетининъ мулькиети Фондунен уйгъунлаштырув вазиетинде исе — 200 м2 зияде мейданлыгъы иле ташылмагъан мулькиетине даир, эм де оларнынъ балансындаки, айры шахсий тайинленген мулькие­тине (ташылмагъан шекилиндекиден гъайры) даир.

Айры шахсий тайинленген мулькиети (ташылмагъан шекилиндеки я да дигери) боюнджа тизильген иджаре мукъавелелер Къырым Мухтар Джумхуриетине аит айры шахсий тайинленген (ташылмагъан шекилиндеки я да дигер) мулькиетининъ Шекиль иджаре мукъавелесине менсюп олувы зарур (4 Иляве)*;

9 пункт ашагъыдаки тарирде тарз этильсин:

«9. Иджаре телевлернинъ колеми мезкюр Усулджылыкъкъа мувафыкъ Къырым Мухтар Джумхуриетининъ мулькиети Фондунен уйгъунлаштырылмасы иле тайинлене»;

10 пункт чыкъарылсын;

II болюгининъ 9 пунктында «махкемелер иле, эм де» сезлери «махкемелер иле, «Яш­ларгъа мескен кредит берюв Фонду» Къырым джумхурий махсуслаштырылгъан малиевий муэссисесинен­, шу сырада» сезлерине денъиштирильсин;

III болюгинде:

6 пунктында:

дертюнджи сатыр башында «саиплештирювлер» сезлери «саиплештирювлер, (кучюк тешкилятларны бирлештирюв)» сезлерине денъиштирильсин;

алтынджы сатыр башы чыкъарылсын;

ашагъыдаки мундериджели сатыр башы къошулсын:

«Крымтроллейбус» Къырым джумхурий истисал ишханеси балансындаки яшалмагъан биналар ичюн, — 70% — «Крымтроллейбус» Къырым джумхурий истисал ишханесине ве 30% — Къырым Мухтар Джумхуриетининъ бюджетине»;

7 пунктында:

экинджи сатыр башы ашагъыдаки тарирде тарз этильсин:

«ишханелерде къурулыш болюклерининъ болюнмеген мулькиети комплекслери ве ишханелернинъ ташылмагъан мулькиети ичюн — 50% — ишханеге, 50% Къырым Мухтар Джумхуриетининъ бюджетине»;

ашагъыдаки мундериджели сатыр башы къошулсын:

«Крымтроллейбус» Къырым джумхурий истисал ишханеси балансындаки яшалмагъан биналар ичюн, — 70% — «Крымтроллейбус» Къырым джумхурий истисал ишханесине ве 30% — Къырым Мухтар Джумхуриетининъ бюджетине»;

мезкюр Усулиетнинъ 1 ве 2 илявелери янъы тарирде тарз этильсин (иляве этилелер)*.

2. 2009 сенеси ичинде тертипке къойгъан мезкюр актнынъ акъибетини излемек Къырым Мухтар Джумхуриетининъ мулькиети Фондуна авале этильсин. «Крымские известия» газетасында дердж этмек ичюн ве Къырым Мухтар Джумхуриети Юкъары Радасынынъ ресмий сайтында ерлештирмек ичюн 2010 сенеси май айында Къырым Мухтар Джум­хуриетининъ Юкъары Радасына излевлернинъ нетиджелери еллансын.

3. Мезкюр Къарар къабул этильген кунюнден арекетке кире.