КъМДж ЮР Къарары

Къырым Мухтар Джумхуриети Юкъары Радасынынъ 1999 сенеси апрель 21-де къабул этильген 455-2/99 санлы Къарарынен тасдикълангъан Къырым Мухтар Джумхуриетининъ ярарлыкълар аляметлери акъкъында Низамнамеге денъишмелер кирсетюв акъкъында

Къырым Мухтар Джумхуриети Анаясасынынъ 26 маддесиндеки экинджи къысымынынъ 1 пунктына мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 1999 сенеси апрель 21-де къабул этильген 455-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 1999 с., № 4, 319 мад.; 2008 с., № 5, 380 мад., № 6, 458 мад., № 10, 802, 808 мад.) тасдикълангъан Къырым Мухтар Джумхуриетининъ ярарлыкълар аляметлери акъкъында Низамнамеге ашагъыдаки денъишмелер кирсетильсин:

I болюгинде:

5 пунктынынъ дертюнджи сатыр башы ашагъыдаки тарирде тарз этильсин:

«Мукяфат весикъалары, адет боюнджа, аит юкъары органлары иле (олувы заманда), шеэр башларынен я да район шураларынынъ реислеринен (беш кунь муддети ичинде) уйгъунлаштырыла, сонъра Къырым Мухтар Джумхуриетининъ назирлер Шурасы Реисине уйгъунлаштырмакъ ичюн еллана»;

7 пункт ашагъыдаки тарирде тарз этильсин:

«7. «Фахрий Къырым сакини» унваны берильмеси акъкъында Къырым Мухтар Джумхуриети Юкъары Радасынынъ укюмлери, ярарлыкъ аляметлери иле мукяфатлав акъкъында Къырым Мухтар Джумхуриети Юкъары Радасы Президиумынынъ укюмлери, адет боюнджа, Къырым Мухтар Джумхуриети Юкъары Радасынынъ сайтында ерлештириле ве «Крымские известия» газетасында дердж этильмек лязим»;

II болюгиндеки 2 пунктынынъ биринджи сатыр башында «Къырым Мухтар Джумху­риети Юкъары Радасы Президиумынынъ» сезлери чыкъарылсын;

III болюгинде:

1 бабындаки 2 пунктынынъ биринджи сатыр башында «Къырым Мухтар Джумхуриети Юкъары Радасы Президиумынынъ» сезлери чыкъарылсын;

2 бабындаки 2 пунктында:

биринджи сатыр башында «Къырым Мухтар Джумхуриети Юкъары Радасы Президиумынынъ» сезлери «Къырым Мухтар Джумхуриетининъ Юкъары Радасы даимий комиссия­ларнынъ» сезлерине денъиштирильсин;

экинджи сатыр башында «Къырым Мухтар Джумхуриетининъ акимиет ве ерли муста-къиль идарелиги органларынен» сезлери «Къырым Мухтар Джумхуриетининъ акимиет органларынен, Къырым Мухтар Джумхуриетининъ кой, къасаба, шеэр башларынен, район шурасы реислеринен, район девлет мемуриетлери реислеринен» сезлерине денъиштирильсин;

IV болюгиндеки 2 пунктынынъ биринджи сатыр башы:

«2. Къырым Мухтар Джумхуриетининъ фахрий унванлары Къырым Мухтар Джумхуриети Юкъары Радасы Реисининъ, даимий комиссияларнынъ такъдимнамелери боюнджа озь тешеббюси иле я да Къырым Мухтар Джумхуриети назирлер Шурасы Реисининъ, Къырым Мухтар Джумхуриетининъ назирликлери, джумхурий комитетлери, Къырым Мухтар Джумхуриетининъ­ кой, къасаба, шеэр башлары, район шуралары башлары, район девлет мемуриетлери реислери, ишханелер, муэссиселер ве тешкилятлары эмек коллективлери ребер­лери тарафындан ресмий риджалары эсасында бериле»;

VII болюгиндеки 2 пунктынынъ биринджи сатыр башы ашагъыдаки тарирде тарз этильсин:

«2. Къырым Мухтар Джумхуриети Юкъары Радасы Реисининъ озь тешеббюси иле эми­ринен, эм де даимий комиссиялары, Къырым Мухтар Джумхуриетининъ назирлер Шурасы, Къырым Мухтар Джумхуриетининъ назирликлери ве джумхуриет комитетлери, Къырым Мухтар Джумхуриетиндеки акимиет органларнынъ реберлери ве Къырым Мухтар Джумхуриетининъ кой, къасаба, шеэр башлары, район шураларнынъ реислери, район девлет мемуриетлернинъ реислери, ишханелер, муэссиселер ве тешкилятлары, мулькиет шекиллерине бакъмадан, эмек коллективлернинъ реберлери тарафындан ресмий риджалары эсасында тешеккюр бильдириле».

2. Къырым Мухтар Джумхуриетининъ назирлер Шурасына озь норматив-укъукъий актларны­ мезкюр Къараргъа макъюл кетирмек авале этильсин.

3. Мезкюр Къарар къабул этильген кунюнден арекетке кире.