Къырым Мухтар Джумхуриети Анаясасынынъ 26 маддесиндеки экинджи къысымынынъ 1 пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1999 сенеси апрель 21-де къабул этильген 468-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 1999 с., № 4, 332 мад.; 2006 с., № 6, 397 мад.) тасдикълангъан Къырым Мухтар Джумхуриетининъ сув объектлеринде кучюк гемилернен къулланув Укъукъларгъа ашагъыдаки денъишмелер кирсетильсин:
1) 1 пунктында:
1.2 пунктастында:
ашагъыдаки мундериджели он дертюнджи сатыр башы къошулсын:
«Сув астында нефес алув тертибаты — сув астында нефес алмагъа имкян берген акваланг я да дигер аппарат, теджхизат»;
он дертюнджи — йигирми секизинджи сатыр башлары он бешинджи — йигирми докъузынджы сатыр башлары оларакъ сайылсын;
ашагъыдаки мундериджели йигирми докъузынджы сатыр башы къошулсын:
«Киралама пункты — ерли мустакъиль идарелиги органларынен я да район девлет мемуриетинен тайинленген, ялдав васталары (сувда эглендириджи васталар, кучюк гемилер) тутмакъ ичюн сув четиндеки ер, шу васталары иле джисманий я да адлие шахснен эглендже теклиф этиле»;
йигирми докъузынджы сатыр башы отузынджы сатыр башы оларакъ сайылсын;
1.7 пунктастына ашагъыдаки мундериджели сатыр башы къошулсын:
«Киралама базалар ве киралама пунктларнынъ ерлери ерли мустакъиль идарелиги органларынен я да район девлет мемуриетлеринен тайинлене»;
1.8 пунктасты ашагъыдаки тарирде тарз этильсин:
«1.8. Парк-базалар, киралама базалар, киралама пукнтларны донатмакъ макъсадынен эр йыл майыс 1-дже иджра акимиетининъ ерли органларынен тайинленген комиссиялары иле тешкерювлер беджериле. Комиссиялар теркибине ерли мустакъиль идарелиги я да район девлет мемуриетлери органларынынъ темсильджилери, Украина гемиджилик телюкесизлиги (сонъра — гемиджилик незарети Муфеттишлиги) боюнджа Баш девлет муфеттишлиги Къырым региональ темсильджилигининъ гемиджилик ве лиман незарети Муфеттишлигининъ темсильджилери, Къырым Мухтар Джумхуриетинде ички ишлер Назирлигининъ Баш идарелиги, Къырым Мухтар Джумхуриетинде Украина ФВН Баш идарелиги, иджап этерсе — Къырым Мухтар Джумхуриетининъ этрафтаки муитни къорув боюнджа Джумхуриет комитетининъ темсильджилери, Украина гемиджилик Идарелиги кирелер.
Менсюбиет территориясында юкъары къайд этильген базалар ве пунктларнынъ донатувыны тешкерюв боюнджа комиссияларнынъ реберлери оларакъ кой, къасаба башлыгъы я да оларнынъ муавинлери, район девлет мемуриетининъ реис муавини, эда этюв ишлери боюнджа мезкюр меселелерни алып баргъан шеэр башынынъ муавини сайыла.
Кучюк гемилернинъ парк-базалары ве киралама базаларны тешкерюв нетиджелерине эсасланып 1 Илявеге мувафыкъ форма боюнджа аит йылгъа денъизджиликке азырлыгъыны тешкерюв актлары комиссияларнен тизиле, киралама пунктларнынъ исе — сербест шекильде акты»;
1.20 пунктастында «техник вазиетине бакъмадан» сезлери чыкъарылсын;
1.21 пунктасты ашагъыдаки тарирде тарз этильсин:
«1.21. Кучюк махкемелернинъ, сувда эгленти васталарнынъ сайысы ерли мустакъиль органларынен я да район девлет мемуриетлеринен тайинленген тертипте парк-базалары, киралама базаларнынъ мемуриетлери иле эсап этиле.
Къырым Мухтар Джумхуриетинде Украина ФВН Баш идарелигининъ территориаль болюгинде девлет тешкилятларгъа, спорт джемиетлерге, хусусий шахсларгъа менсюп сув астында нефес алмакъ ичюн тертибатларны джедвельге алувдан сонъ файдаланувына рухсет бериле»;
1.27 пунктастында «Украина Девлет сынъыр бою хызметининъ Симферополь сынъыр бою къорчалав болюги Идарелиги» сзлери чыкъарылсын;
2) 2 пунктында:
2.2 пунктастындаки йигирми бешинджи сатыр башы ашагъыдаки тарирде тарз этильсин:
«къанунджылыкънен тайинленген тертипте, джедвельге алынмагъан, джедвельден чыкъарылгъан я да саиби олмагъан (мулькиетчисиз), юрьмеси ясакъ этильген кучюк гемилер ичюн донатылгъан джеза мейданчыгъы»;
2.9 пунктасты ашагъыдаки тарирде тарз этильсин:
«2.9. Киралама базаларны донатув ве оларны истисмар этюв шартлары Къаиделердеки 2 пунктынынъ талапларына мувафыкъ бельгилене.
Киралама пунктларны донатув ве оларны истисмар этюв шартлары гемиджилик незарети Муфеттишлигининъ аит къурулыш болюклери иле уйгъунлаштырылмасы боюнджа ерли мустакъиль идарелиги я да район девлет мемуриетлеринен бельгилене»;
3) 3 пунктында:
3.2 пунктастында «ве сынъыр бою невбет болюги» сезлери чыкъарылсын;
3.3 пунктастынынъ экинджи сатыр башында «буйрукъ-кечирюв пунктлары» сезлери чыкъарылсын;
3.4 пунктасты чыкъарылсын;
3.8 пунктастында:
биринджи сатыр башында «талиматлар иляве этилелер» сезлери «талиматлар — 2 Иляведе» сезлерине денъиштирильсин;
дертюнджи сатыр башы ашагъыдаки тарирде тарз этильсин:
«Симферополь ава еллары хызметининъ (АЕХ РДМ) ве Украина Девлет сынъыр бою хызметининъ энъ якъын болюгине хабер этильмеси иле район диспетчер меркезинден учмагъа изин берильмеси шартында сувгъа отургъан ава гемилери (мотогидродельтопланлар ве дигерлери) ялыдан 2 мильге къадар арада махсус айырылгъан акватория арсаларында учмагъа башлай»;
3.10 пунктасты ашагъыдаки тарирде тарз этильсин:
«3.10. Украина территориаль денъиз сынъырларындан чыкъмамазлыгъы иле каботаж юрмеси вакъытында парк-базасынынъ невбет хызмети ве гемининъ капитаны кечит елу, гемидеки тайфаз ве елджуларнынъ микъдары, эм де кечитнинъ беджерильмесине планлаштырылгъан вакъыты (сонъки кечит пунктына кельмесининъ куню ве сааты, арадаки парклар ве скелеге янашмакъ ерлери) акъкъында Украина Девлет сынъыр хызметининъ энъ якъын болюгининъ невбет хызметине хабер этмек меджбурлар.
Украина территориаль денъиз сынъырларындан тыш каботаж чыкъувы вакъытында амельдеки къанунджылыкъкъа мувафыкъ Украина девлет сынъырындан кечит пунктында геми, тайфаз ве елджуларны ресмийлештирюви беджериле»;
3.11 пунктасты чыкъарылсын;
3.16 пунктасты ашагъыдаки тарирде тарз этильсин:
«3.16. Украина территориаль денъизге, ички сувларгъа чыкъув, юкни юклев ве тюшюрюв ве Украина Девлет сынъыр хызметининъ болюклери бельгиленмеген ерлерде елджуларны отуртув ве чыкъарув тертибининъ талаплары бозулувы заманда скелелернинъ ве база пунктларнынъ истисмары ве мезкюр ялдав васталарнынъ файдаланувыны ерли мустакъиль идарелиги органларынен я да район девлет мемуриетлеринен мейдангъа кетирильген менсюп комиссияларынен вакътынджа ясакъ этильмеси мумкюн. Мезкюр тедбирни амельге кечирюв акъкъында меракълангъан адлие ве джисманий шахсларгъа язы шекилинде вакътындан эвель хабер этиле. Шу тефкъиф къайд этильген бозмаларнынъ екъ этилюви вакъыткъадже арекет эте»;
4) 4 пунктында:
4.3 пунктастындаки 4.3.6 пунктастында «гемиджилик незарети Муфеттишлигинен» сезлери «гемиджилик незарети Муфеттишлигинен, эм де аит ерли мустакъиль идарелиги органларынен я да район девлет мемуриетлеринен» сезлерине денъиштирильсин;
4.4 пунктастында:
4.4.3 пунктастында:
он биринджи сатыр башында «незарети» сезге «ве аит ерли мустакъиль идарелиги органларынен я да район девлет мемуриетлеринен» сезлер къошулсын;
йигирминджи сатыр башында «незарет» сезге «ве аит ерли мустакъиль идарелиги органларынен я да район девлет мемуриетлеринен» сезлер къошулсын;
4.4.9 пунктастында «сынъыр бою къорчалав пункты» сезлери «Украина Девлет сынъыр бою хызмети болюклерининъ» сезлерине денъиштирильсин;
5) Укъукъларгъа 1 Иляве къошулсын (иляве этиле)*;
6) Укъукъларгъа Иляве оларакъ 2 Иляве сайылсын;
7) 2 Иляведе:
«Иляве» сезю «2 Иляве» сезлерине денъиштирильсин;
дертюнджи сатыр башында «Симферополь сынъыр бою къорчалав болюгининъ» сезлери «якъын ердеки къорчалав болюгининъ» сезлерине денъиштирильсин, «ерли акимиет органларнынъ» сезлери «аит ерли мустакъиль идарелиги органларынен я да район девлет мемуриетлеринен» сезлерине денъиштирильсин;
бешинджи сатыр башында «сынъыр янындаки» сезлери «сынъыр бою» сезюне денъиштирильсин;
1 пунктынынъ 1.6. пунктасты чыкъарылсын;
2 пунктында:
биринджи сатыр башы ашагъыдаки тарирде тарз этильсин:
«2. Украинанынъ ички сувлары ве территориаль денъизине КГ чыкъкъаныны ресмийлештирюв тертиби»;
2.1.1 пунктасты ашагъыдаки тарирде тарз этильсин:
«2.1.1. Украина Девлет сынъыр бою хызмети болюклеринде гемини джедвельге алув акъкъында бельгинен геми билети олувы зарур»;
3 пунктынынъ 3.1 пунктасты ашагъыдаки тарирде тарз этильсин:
«3.1. Ресмийлештирильген каботаж КГ невбет боюнджа денъизге чыкъувда КГ капитаны лиманнынъ диспетчерине я да скеле, парк-базасынынъ невбетчисине Геми макъсадыны бере ве Украина Девлет сынъыр бою хызметининъ энъ якъын болюгине каботаж денъизге чыкъувы акъкъында телефон боюнджа хабер эте»;
5 пунктында «сынъыр бою къорчалав пунктынынъ» сезлери «Украина Девлет сынъыр бою хызметининъ якъын ердеки болюгининъ» сезлерине денъиштирильсин;
7 пунктында «сынъыр бою къорчалав пунктынынъ» сезлери «Украина Девлет сынъыр бою хызметининъ якъын ердеки болюгининъ» сезлерине денъиштирильсин;
8 пунктында «сынъыр бою къорчалав пунктынынъ» сезлери «Украина Девлет сынъыр бою хызметининъ якъын ердеки болюгининъ» сезлерине денъиштирильсин;
9 пункт ашагъыдаки тарирде тарз этильсин:
«9. Эр кунь саат 8.00, 12.00, 18.00 ве 24.00 мемуриет тарафтан Украина Девлет сынъыр хызметининъ энъ якъын болюгининъ невбет хызметине денъизде юрген КГ акъкъында хабер этиле. Украина Девлет сынъыр бою хызметининъ болюклерине еллангъан бутюн марузалар, эм де сынъыр бою режими акъкъында Низамнаменинъ талаплары беджерильмеси боюнджа эмирлер парк-базасынынъ невбет хызмети Дефтеринде мемуриет иле къайд этиле»;
10 пунктында «сынъыр бою къорчалав пунктынынъ» сезлери «Украина Девлет сынъыр бою хызметининъ якъын ердеки болюгининъ» сезлерине денъиштирильсин.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, июнь 17, № 1289-5/09 |