КъМДж ЮР Къарары

Къырым Мухтар Джумхуриети Юкъары Радасынынъ 2009 сенеси май 20-де къабул этильген «Къырым Мухтар Джумхуриетининъ 2009 сенесине икътисадий ве ичтимаий инкишафы Программасы акъкъында» 1246-5/09 санлы Къарарына денъишмелер кирсетюв акъкъында

Къырым Мухтар Джумхуриети Анаясасынынъ 26 маддесиндеки экинджи къысымынынъ 1 пунктына мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2009 сенеси май 20-де къабул этильген «Къырым Мухтар Джумхуриетининъ 2009 сенесине икътисадий ве ичтимаий ин­кишафы Программасы акъкъында» 1246-5/09 санлы Къарарына (Къырым Мухтар Джумху­риетининъ норматив-укъукъий актлар Топламы, 2009 с., № 5, 350 мад.) ашагъыдаки денъишмелер кирсетильсин:

1) 2 пунктына ашагъыдаки мундериджели сатыр башы къошулсын:

«Украина Девлет бюджетинден субвенциялар эсабына Къырым Мухтар Джумхурие­тининъ мескен-коммуналь ходжалыгъы Назирлиги тарафындан малиенен теминленген объектлердеки­ ишлерни ерли бюджетлернен бирликте малиенен теминлев (иссе иштираги) тертиби ишлеп чыкъарылсын ве тасдикълансын»;

ашагъыдаки мундериджели 2-1 пункт къошулсын:

«2-1. Умумдевлет бюджет программалары боюнджа Къырым Мухтар Джумхуриетининъ мескен-коммуналь ходжалыгъы Назирлиги тарафындан объетклердеки ишлерни ма­лиенен теминлевде ерли 2009 сенесине бюджетлеринде бирликте масрафларны (иссе ишти­рагини) козьде тутмакъ Къырым Мухтар Джумхуриетининъ район, шеэр, кой, къасаба шу­раларына тевсие этильсин»;

2) мезкюр Къарарнен тасдикълангъан Къырым Мухтар Джумхуриетининъ 2009 сенесине икътисадий ве ичтимаий инкишафы Программасында:

I болюгининъ дертюнджи сатыр башы ашагъыдаки тарирде тарз этильсин:

«1—5 Илявелер Программанынъ къыйметли къысымлары оларакъ сайыла»;

5 Иляве къошулсын «Бутюн дереджелерде бюджетлернинъ паралары эсабына Къырым Мухтар Джумхуриетининъ мескен-коммуналь Назарлигинен 2009 сенесинде малиенен теминленген ятырым лейхалары джедвели» (иляве этиле)*.

2. Мезкюр Къарар къабул этильген кунюнден арекетке кире.