Украина Анаясасынынъ 150 маддесине, «Украина Анаяса Махкемеси акъкъында» Украина Къанунынынъ 40, 61 мадделерине, Къырым Мухтар Джумхуриети Анаясасынынъ 19 маддесине мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. «Къырым Мухтар Джумхуриети Юкъары Радасы векялетлерининъ муддети боюнджа Къырым Мухтар Джумхуриети Анаясасынынъ 22 маддесине кирсетильген денъишме тасдикълансын» 2009 сенеси март 19-да къабул этильген 1167-VI санлы Украина Къанунынынъ «Сонъки низамнамелер» II болюгининъ 1 пункты Украина Анаясасына менсюплиги (анаясалыгъы) акъкъында Анаяса такъдимнамеси тасдикълансын (иляве этиле)*.
2. Мезкюр Анаяса такъдимнамеси Украина Анаяса Махкемесине еллансын.
3. Къырым Мухтар Джумхуриети Юкъары Радасынынъ мандат, халкъвекиллери этикасы, Юкъары Радасынынъ ишини тешкиль этюв ве кутьлевий малюмат васталары боюнджа Даимий комиссиясынынъ реиси Г. А. Иоффе, Къырым Мухтар Джумхуриети Юкъары Радасынынъ укукъий меселелери, укъукъий тертип ве февкъульаде вазиетлери боюнджа Даимий комиссиясынынъ реиси Л. Е. Лубина, Къырым Мухтар Джумхуриетининъ Юкъары Радасы Кятибиетиндеки Адлие идаресининъ башлыгъы муавини В. Б. Шевель мезкюр Анаяса такъдимнамеси боюнджа Къырым Мухтар Джумхуриети Юкъары Радасынынъ менфаатларыны Украина Анаяса Махкемесине такъдим этмек ичюн векялетли шахслар оларакъ тайинленсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, июнь 17, № 1282-5/09 |