КъМДж ЮР Къарары

Къырым Мухтар Джумхуриети Юкъары Радасынынъ 2009 сенеси февраль 4-те къабул этильген «Къырым Мухтар Джумхуриетининъ 2009 сенесине бюджети акъкъында» 1116-5/09 санлы Къарарына денъишмелер кирсетюв акъкъында

Къырым Мухтар Джумхуриети Анаясасынынъ 26 маддесиндеки экинджи къысымынынъ 1 ве 7 пунктларына мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2009 сенеси февраль 4-те къабулэтильген «Къырым Мухтар Джумхуриетининъ 2009 сенесине бюджети акъкъында» 1116-5/09 санлы Къарарына (Къырым Мухтар Джумхуриетининъ норматив-укъукъий актлар Топламы, 2009 с., № 2, 68 мад.) ашагъыдаки денъишмелер кирсетильсин:

1.1. 13 пунктында:

биринджи сатыр башында «1200,0» сайысы «950,0» сайысына денъиштирильсин;

экинджи сатыр башында «1000,0» сайысы «750,0» сайысына денъиштирильсин;

1.2. Ашагъыдаки мундериджели 31-1 пункт къошулсын:

«31-1. «Тасиль акъкъында» Украина Къанунынынъ 57 маддесинен козь огюне алынгъан окъув юртларнынъ педагогик, ильмий-педагогик ве дигер дередже хадимлерге телевлер боюнджа борджларны гъайрыдан эсап этюв акъкъында» Украина Къанунынен козь огюне алынгъан телевлер беджерильмесине, Украина Девлет бюджети акъкъында Украина къанунларынен масрафларнынъ токътатылмасы я да махкемелернинъ укюмлери боюнджа беджерильмеси заманда Къырым Мухтар Джумхуриети бюджетининъ масрафларыны одемек ичюн, Украина Девлет бюджетинден макъсадлы субвенциядан 2454,142 бинъ грн. микъдарында пара еллана.

Юкъары къайд этильген субвенция Къырым Мухтар Джумхуриетининъ тасиль ве илим боюнджа Назирлигининъ теклифи боюнджа тасиль программаларны малиенен теминлевине еллансын, шу сырада ФКК 070301 боюнджа — 300,0 бинъ грн., ФКК 070302 — 32,7 бинъ грн., ФКК 070304 — 459,9 бинъ грн., ФКК 070307 — 265,0 бинъ грн., ФКК 070501 — 1004,778 бинъ грн., ФКК 070601 — 17,7 бинъ грн., ФКК 070602 — 321,8 бинъ грн., Къырым Мухтар Джумхуриетининъ сагълыкъны сакълав Назирлиги тарафындан теклифи боюнджа тиббиет хадимлерге имтиязлы нефакъа телевине ФКК 080201 боюнджа — 52,264 бинъ грн.».

1.3. Мезкюр Къарарнен тасдикълангъан 2 Илявеге денъишмелер кирсетильсин: 2, 3 пунктлары, «ДЖЕМИ МАСРАФЛАР» сатыры, 15 пункт, «ЭПИСИ МАСРАФЛАР» сатыры янъы тарирде тарз этильсин, 11-1 пункт къошулсын (иляве этилелер)*.

1.4. Мезкюр Къарарнен тасдикълангъан 3 Илявеге денъишмелер кирсетильсин: 006, 020, 030, 090, 110, 200, 221 250300 болюклери, «ДЖЕМИ МАСРАФЛАР» сатыры янъы тарирде тарз этильсин (иляве этилелер)*.

1.5. Мезкюр Къарарнен тасдикълангъан 4 Иляве янъы тарирде тарз этильсин (иляве этиле).

2. Мезкюр Къарар къабул этильген кунюнден арекетке кире.