КъМДж ЮР Къарары

«Къырым Мухтар Джумхуриетининъ Феодосия шеэрине «Къараман-Шеэр» Украина Юкъары Радасынынъ унваны — юксек дередже ярарлыгъы берильмеси акъкъында»­ Украина­ Юкъары Радасынынъ къанун лейхасы акъкъында­

Къырым Мухтар Джумхуриети Анаясасынынъ 26 маддесиндеки экинджи къысымы-

нынъ 1 пунктына, Къырым Мухтар Джумхуриетининъ Юкъары Радасы Регламентининъ 109 маддесине мувафыкъ ве Улу Ватан дженки йылларында Ватаныны къорчалав вакъытында шеэр эалининъ­ кутьлевий къараманлыгъыны ве джесюрлигини козь огюне аларакъ немсе-фашист истиляджилардан Феодосия шеэринининъ азат олувына 65 йыл толувы мунасебети иле

Къырым Мухтар Джумхуриетининъ Юкъары Радасы к ъ а р а р б е р е:

1. «Къырым Мухтар Джумхуриетининъ Феодосия шеэрине «Къараман-Шеэр» Украина Юкъары Радасынынъ унваны — юксек дередже ярарлыгъы берильмеси акъкъында» Украина Юкъары Радасынынъ къанун лейхасы такъдир этильсин (иляве этиле)*.

2. Къырым Мухтар Джумхуриетининъ Феодосия шеэрине «Къараман-Шеэр» унваны — юксек дередже ярарлыгъы берильмеси риджанен Украина Юкъары Радасына мураджаат этильсин­ (мураджаат иляве этиле)*.

3. Украина Юкъары Радасынынъ къарар лейхасыны музакере этмек ве тайинленген тер-

типте къабул этмек ичюн Украина Юкъары Радасына еллансын.

4. Мезкюр Къарар къабул этильген кунюнден арекетке кире.