КъМДж ЮР Къарары

Къырым Мухтар Джумхуриетине аит мулькиетинен идаре этюв меселелери акъкъында

Къырым Мухтар Джумхуриети Анаясасынынъ 26 маддесине, Къырым Мухтар Джум­хуриети Юкъары Радасынынъ 1999 сенеси апрель 21-де къабул олунгъан 459-2/99 санлы Къарарынен­ тасдикълангъан Къырым Мухтар Джумхуриетине аит я да онынъ идарелигине теслим этильген мулькиетинен идаре этюв тертиби акъкъында Низамнамеге, Къырым Мухтар Джумхуриети Юкъары Радасынынъ 2000 сенеси июнь 21-де къабул олунгъан 1233-2/2000 санлы Къарарынен тасдикълангъан Къырым Мухтар Джумхуриетине аит мулькиетини теслим этюв тертиби акъкъында Низамнамеге мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетине аит мулькиети теркибинден теслим этильсин:

Симферополь шеэри территориаль джемиетининъ коммуналь мулькиетине — «Къы­рымгидромахсускъурудж» ААДж темель фондуна кирсетильмеген ве онынъ балансында олгъан, Симферополь ш., Московская сокъ., 22 адреси боюнджа ерлешкен 100-даирели мескен эв;

Симферополь районы, Доброе кой шурасынынъ койлер территораль джемиетининъ коммуналь мулькиетине — Къырым Мухтар Джумхуриети Юкъары Радасынынъ ишлер Идарелиги­ балансында олгъан, такъымлайыджыларнен РАФ ве УАЗ автомобиллери.

2. Къырым Мухтар Джумхуриети Юкъары Радасынынъ 2000 сенеси март 15-те къабул олунгъан «Къырым Мухтар Джумхуриетине аит мулькиетининъ теркиби акъкъында» 982-2/2000 санлы Къарарына (Къырым Мухтар Джумхуриетининъ норматив-укъукъий актлар Топламы, 2000 с., № 3, 207 мад., № 5, 489 мад., 490 мад., № 6, 603 мад., № 10, 1075 мад., № 12, 1322 мад.; 2001 с., № 6, 566 мад., № 9, 930 мад., 931 мад., № 11, 1202 мад.; 2002 с., № 2, 89 мад., № 6, 484 мад., № 9, 940 мад., 941 мад., № 11, 1173 мад., 1174 мад.; 2003 с., № 2, 106 мад., № 5, 429 мад., № 6, 541 мад., № 9, 713 мад., № 11, 914 мад., № 12, 976 мад.; 2004 с., № 2, 65 мад., № 3, 160 мад., № 4, 299 мад., № 5, 418 мад., № 9, 798 мад., № 10, 886 мад., 888 мад., № 11, 994 мад., № 12, 1093 мад.; 2005 с., № 2, 66 мад., № 6, 462 мад., № 11, 1053 мад., № 12, 1121 мад.; 2006 с., № 7, 504 мад.; № 9, 759 мад.; № 11, 1021 мад., № 12, 1177 мад.; 2007 с., № 2, 104 мад., № 5, 449 мад., № 6, 583 мад., № 7, 687 мад., № 9, 870 мад., № 11, 1145 мад., № 12, 1277 мад.; 2008 с., № 2, 71 мад., № 3, 169 мад., № 4, 276 мад.; № 5, 386 мад., № 6, 467 мад., № 7, 529 мад., № 10, 819 мад., № 11, 908 мад.; 2009 с., № 4, 269 мад.) ашагъыдаки денъишмелер кирсетильсин:

1 пунктында «1999 сенеси январь 12-не къадар вазиети боюнджа» сезлери чыкъарылсын;

2 пунктында «1999 сенеси январь 12-не къадар вазиети боюнджа» сезлери чыкъарылсын.

3. Къырым Мухтар Джумхуриети Юкъары Радасынынъ 2000 сенеси март 15-те къабул олунгъан 985-2/2000 санлы Къарарынен (Къырым Мухтар Джумхуриетининъ норматив-укъукъий актлар Топламы, 2000 с., № 3, 210 мад.; 2001 с., № 6, 569 мад.; 2004 с., № 9 мад., 798 мад.; № 12, 1093 мад.; 2005 с., № 9, 850 мад.; 2007 с., № 3, 202 мад., № 12, 1277 мад.; 2009 с., № 2, 99 мад.) тасдикълангъан, 2000 сенесинде саиплештирювге менсюп олгъан, Къырым Мухтар­ Джумхуриетине аит объектлер Джедвелине ашагъыдаки денъишме кирсетильсин:

«Д такъымы» болюгинде 16 сатыры чыкъарылсын.

4. Къырым Мухтар Джумхуриети Юкъары Радасынынъ 2004 сенеси май 21-де къабул олунгъан «Къырым Мухтар Джумхуриетине аит мулькиетинен идаре этюв меселелери акъкъында» 947-3/04 санлы Къарарынен (Къырым Мухтар Джумхуриетининъ норматив-укъукъий актлар Топламы, 2004 с., № 5, 418 мад., № 9, 798 мад., № 10, 886 мад., № 11, 994 мад., № 12, 1093 мад.; 2005 с., № 6, 462 мад., № 9, 850 мад., № 12, 1121 мад.; 2006 с., № 7, 504 мад.; № 11, 1021 мад.; 2008 с., № 2, 71 мад., № 12, 1006 мад.; 2009 с., № 2, 111 мад., № 3, 158 мад., № 4, 269 мад.) тасдикълангъан, 2004 сенесинде саиплештирювге менсюп олгъан, Къырым Мухтар Джумхуриетине аит мулькиети джедвелине ашагъыдаки денъишме кирсетильсин:

«КъМДж мулькиети Фонду» болюгинде 14 сатыр чыкъарылсын.

5. Къырым Мухтар Джумхуриети Юкъары Радасынынъ 2008 сенеси декабрь 18-де къабул олунгъан «Къырым Мухтар Джумхуриетине аит мулькиетинен идаре этюв меселелери акъкъында­» 1097-5/08 санлы Къарарына (Къырым Мухтар Джумхуриетининъ норматив-укъукъий актлар Топламы, 2008 с., № 12, 1006 мад.) ашагъыдаки денъишме кирсетильсин:

2 пунктынынъ он учюнджи сатыр башы чыкъарылсын.

6. Саиплештирювге менсюп олгъан, Къырым Мухтар Джумхуриетине аит мулькиетининъ джедвели тасдикълансын (иляве этиле)*.

7. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.

8. Мезкюр Къарар къабул этильген кунюнден арекетке кире.