КъМДж ЮР Къарары

Къырым Мухтар Джумхуриети Юкъары Радасынынъ 1997 сенеси июнь 19-да къабул олунгъан «Авджылыкъ ичюн арсаларны вакътынджа чокъмуддетли файдаланувгъа такъдим этюв акъкъында» 1229-1 санлы Къарарына денъишмелер кирсетильмеси акъкъында

Украина Анаясасынынъ 137-нджи маддесиндеки биринджи къысымынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 1 ве 2 пунктларына, 26-нджы маддесиндеки экинджи къысымынынъ 1 ве 31 пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки биринджи къысымынынъ 8-нджи пунктына, «Айванат алеми акъкъында» Украина Къанунынынъ 15-нджи маддесине, «Авджылыкъ ходжалыгъы ве ав­джылыкъ акъкъында» Украина Къанунынынъ 9 ве 22 мадделерине ве Къырым Мухтар Джумхуриети Юкъары Радасынынъ 2006 сенеси ноябрь 22-де къабул олунгъан 259-5/06 санлы Къарарынен тасдикълангъан вакътынджа чокъмуддетли файдаланувгъа авджылыкъ арсаларнынъ такъдим этильмесинен ве оларнен файдаланув укъугъы токътатылмасынен багълы меселелерини­ Къырым Мухтар Джумхуриети Юкъары Радасында аль этюв Тертибине мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Джанкой районы территориясында «Сокол» авджылар ве балыкъчылар клубы» (ОКПО 35003487) джемиет тешкилятына 7,6 бинъ га мейданлыгъынен авджылыкъ арсалары 15 йыл муддетнен вакътынджа чокъмуддетли файдаланувгъа такъдим этильсин.

2. Къырым Мухтар Джумхуриети Юкъары Радасынынъ 1997 сенеси июнь 19-да къабул олунгъан­ «Авджылыкъ ичюн арсаларны вакътынджа чокъмуддетли файдаланувгъа такъдим этюв акъкъында» 1229-1 санлы Къарарына (Къырым Джумхуриетининъ къанунджылыкъ Топламы,­ 1997 с., № 6, 399 мад., № 11, 783 мад.; Къырым Мухтар Джумхуриетининъ норма­тив-укъукъий актлар­ Топламы, 1999 с., № 2, 110 мад., № 6, 581 мад., № 8, 847 мад.; 2001 с., № 11, 1220 мад.; 2002 с., № 7, 597 мад.; 2004 с., № 10, 895 мад.; 2006 с., № 9, 747 мад.; 2007 с., № 6, 574 мад., № 9, 864 мад., № 10, 998 мад.; 2009 с., № 3, 153 мад.) ашагъыдаки денъишме кирсетильсин:

мезкюр Къарарнынъ Илявесинде1 7-нджи пунктына ашагъыдаки мундериджели 7.11 пунктасты къошулсын:

«7.11. «Сокол» авджылар ве балыкъчылар клубы» (ОКПО 35003487) джемиет тешкилятына — Джанкой районы территориясында 7,6 бинъ га умумий мейданлыгъынен авджылыкъ арсалары, ашагъыдаки арсаларнынъ сынъырлары иле:

шималь тарафындан — Джанкой районы сынъырларындан юксеквольт ЭДЕ боюнджа чель елуна къадар, Крымка к. шималь тарафкъа 29,2 юксекке баргъан, сонъра бу елунен Крымка к. къадар, сонъра Крымка к. сонъундан 1,5 км месафеде Крымка — Яркое автоелунен ел чети ормангъа къадар;

шаркътан — Яркое — Роскошное автоелуна къадар дженюп тарафында ел четиндеки орман боюнджа, сонъра Крымка к. къадар шималь тарафкъа бакъкъан автоелуна къадар, сонъра канал боюнджа дженюпке тараф Красногвардейское районынынъ сынъырларына къадар 36,7 юксеклигинде, сонъра дженюпке тараф районынынъ сынъырлары боюнджа;

дженюптен — Джанкой районынынъ сынъырлары боюнджа;

гъарптан — Джанкой районынынъ сынъырлары боюнджа».

3. Мезкюр Къарар къабул этильген кунюнден арекетке кире.