КъМДж ЮР Къарары

Къырым Мухтар Джумхуриети Юкъары Радасынынъ 2002 сенеси июнь 19-да къабул олунгъан 135-3/02 санлы Къарарынен­ тасдикълангъан Къырым Мухтар Джумху­риети Юкъары Радасынынъ даимий комиссиялары ве оларнынъ функциялары акъкъында Низамнамеге де­нъишмелер кирсетюв акъкъында

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына ве экинджи къысымына, 26-нджы маддесиндеки экинджи къысымынынъ 1 ве 31 пунктларына, «Къырым Мухтар Джумхуриетининъ Юкъары Радасы акъкъында» Украина Къануннынъ 9-нджы маддесиндеки экинджи къысымынынъ 32 пунктына мувафыкъ, Къырым Мухтар Джумхуриети Юкъары Радасынынъ векялетлерини эда этюв механизмини мукеммелештирюв ве Къырым Мухтар Джумхуриети Юкъары Радасынынъ даимий комиссиялары ишининъ семерелигини арттырув макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2002 сенеси июнь 19-да къабул олунгъан 135-3/02 санлы Къарарынен тасдикълангъан Къырым Мухтар Джумхуриети Юкъары Радасынынъ даимий комиссиялары ве оларнынъ функциялары акъкъында Низамнамеге (Къырым Мухтар Джумхуриетининъ норматив-укъукъий актлар Топламы, 2002 с., № 6, 493 мад.; 2003 с., № 2, 102 мад., № 4, 341 мад.; 2004 с., № 12, 1104 мад.; 2005 с., № 9, 800 мад.; 2006 с., № 9, 737 мад., № 10, 887 мад.; 2007 с., № 5, 432 мад., № 12, 1272 мад.; 2008 с., № 5, 377 мад.; 2009 с., № 3, 156 мад.) ашагъыдаки денъишмелер кирсетильсин:

9-нджы бабында:

9.1 пунктастына ашагъыдаки мундериджели алтынджы ве единджи сатыр башлары кирсетильсин:

«Къырым Мухтар Джумхуриети Юкъары Радасынынъ халкъ векиллери сайлавлары тайинленмеси акъкъында;

Къырым Мухтар Джумхуриетининъ сайлав комиссиясы теркибини тасдикълав ве онъа денъишмелер ве къошмалар кирсетюв акъкъында»;

алтынджы — йигирми учюнджи сатыр башлары секизинджи — йигирми бешинджи сатыр башлары оларакъ сайылсын;

9.11 пунктастындан бешинджи ве алтынджы сатыр башлары чыкъарылсын.

2. Мезкюр Къарар къабул этильген кунюнден арекетке кире.