Постановление ВР АРК (регуляторный акт)

Къырым Мухтар Джумхуриети Юкъары Радасынынъ 2006 сенеси сентябрь 22-де къабул олунгъан 175-5/06 санлы Къарарынен тасдикълангъан ерли месулиетли ер устю сув объектлерини файдаланувгъа иджаре шартларында такъдим этюв Тертибине денъишмелер кирсетюв акъкъында

Украина Анаясасынынъ 13 маддесине, Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына, Украина Сув къануннамесининъ 8-нджи маддесиндеки 2-нджи пунктына, 51 маддесине, Украина Топракъ къануннамесининъ 59, 123, 124 мадделерине мувафыкъ, ерли месулиетли ер устю сув объектлерини файдаланувгъа иджаре шартларында такъдим этюв екяне тертиби иле теминлев, амелий къанунджылыгъынынъ­ талапларыны эда этюв механизмини мукеммелештирюв макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2006 сенеси сентябрь 22-де къабул олунгъан 175-5/06 санлы Къарарынен тасдикълангъан ерли месулиетли ер устю сув объектлерини­ файдаланувгъа иджаре шартларында такъдим этюв Тертибине (Къырым Мухтар Джумхуриетининъ норматив-укъукъий актлар Топламы, 2006 с., № 9, 740 мад.) ашагъыдаки­ денъ­ишмелер кирсетильсин:

1) 1 пунктынынъ экинджи сатыр башы ашагъыдаки тарирде тарз этильсин:

«Ерли месулиетли сув объектлери сырасына кирген ер устю сув объектлери Украина Сув къануннамесининъ 5-нджи маддесинен тайин этильген»;

2) 2-нджи пунктында:

единджи сатыр башы ашагъыдаки тарирде тарз этильсин:

«ташылмагъан мулькиети иле идаре этмек ичюн векялетленген мулькиетчи я да орган тарафындан гидротехник тертибатларнынъ, гидротехник тертибатлары иле саиблери олувы иле, иджаре мукъавеле тизильмесине эвель берильген разылыгъы»;

онунджы — он дертюнджи сатыр башлары ашагъыдаки мундериджели сатыр башларына денъиштирильсин:

«Аит векялетли органы иле ерли месулиетли сув объектини иджареге такъдим этюв акъкъында къарар къабул этильген сонъ иджареге бериджиси учь ай ичинде борджлу:

сувходжалыгъы паспорты ишлеп чыкъарылмасыны теминлев ве Къырым Мухтар Джумхуриетининъ­ сувходжалыгъы къуруджылыгъы ве суварув зираатчылыгъы боюнджа Джумхурий комитети иле уйгъунлаштырув;

саиби иле я да идаренинъ векялетли органынен гидротехник тертибатларны иджаре боюнджа мукъавеле, гидротехник тертибатлары иле саиблери олувы иле, тизюв.

Сонъра сув объектининъ иджарелиги боюнджа мукъавеле тизильмек ве Къырым Мухтар Джумхуриетининъ сувходжалыгъы къуруджылыгъы ве суварув зираатчылыгъы боюнджа Джумхурий комитети иле ве Къырым Мухтар Джумхуриетининъ этрафтаки табиат муитини къорув боюнджа Джумхуриет комитетинен уйгъунлаштырылмасы лязим.

Гидротехник тертибатынынъ саиби олмагъаны себеби иле саиби я да идаренинъ векя­летли органы тайинленген сонъ гидротехник тертибатынынъ иджарелиги боюнджа мукъавеле меджбурий суретте тизильмеси шартында сув объекти теслим этильмек лязим.

Ерли месулиетли сув объектинен файдаланув укъугъы иджареге бериджи ве иджареге алыджы тарафындан мукъавелеге имза къоюлгъан сонъ арекетке кире»;

3) 3 пунктынынъ экинджи сатыр башы ашагъыдаки тарирде тарз этильсин:

«Сув объекти иджарелиги мукъавелесининъ меджбурий къысымы оларакъ сувходжалыгъы паспорты сайыла, озюне ашагъыдаки болюклерини кирсеткен: ачыкълама тезкере; сув объектлери акъкъында умумий малюматлар; табиат шартлары; гидрографик, гидрогеологик, морфометрик, гидрохимик хасиетнамелер; сувходжалыгъы балансы; сув объекти ишининъ дюзени; гидротехник тертибатларнынъ теркиби ве оларнынъ техник вазиети; сув объектлерининъ умумий вазиети; этрафтаки табиат муитине сув объектининъ тесири, ялы бою къорчалав тертибатлары; сувнен файдаланувы, сув объектининъ ве гидротертибатларнынъ техник вазиетини эйилештирюв боюнджа, сув объектинен ве гидротертибатларнынъ истисмары боюнджа тевсиелер».

2. Иджаре шартларында ерли месулиетли ер устю сув объектлерини (оларнынъ къы­сымларыны) файдаланувгъа такъдим этюв боюнджа векялетлери Къырым Мухтар Джумхуриети Юкъары Радасынен эйетленген шеэр ве район шураларынен дигер ерли мустакъиль идарелигининъ­ органларына я да иджра акимиетининъ органларына теслим этильмеси мумкюн дегиль.

3. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиатнен фай­даланув боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.