Къырым Мухтар Джумхуриети Анаясасынынъ 26 маддесиндеки экинджи къысымынынъ 11 пунктына, «Джианий малиевий бурханнынъ эалини ишнен теминлев саасына тесирини эксильтюв акъкъында Украинанынъ базы къанунларына денъишмелер кирсетюв акъкъында» Украинанынъ Къанунына, Украинанынъ эмек ве ичтимаий сиясети Назирлигининъ 2008 сенеси ноябрь 11-де къабул олунгъан «Джианий малиевий бурханнынъ эалини ичтимаий къорувына тесирини эксильтюв акъкъында» 523 санлы ферманына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2008 сенеси март 19-да къабул олунгъан 799-5/08 санлы Къарарынен тасдикълангъан Къырым Мухтар Джумхуриетининъ эалисини ишнен теминлев 2008—2009 сенелерине Программасына (Къырым Мухтар Джумхуриетининъ норматив-укъукъий актлар Топламы, 2008 с., № 3, 154 мад.) ашагъыдаки денъишмелер кирсетильсин:
1) II болюгинде:
1-нджи пунктында:
1.2 пунктастынынъ алтынджы сатыр башында «1045» сайысы «110» сайысына денъиштирильсин;
1.3 пунктастында:
докъузынджы сатыр башында «550» сайысы «529» сайысына, «2,5» сайысы «2,8» сайысына денъиштирильсин;
онунджы сатыр башы ашагъыдаки тарирде тарз этильсин:
«2009 сенесинде саипкярлыкъ саасында озь фаалиетини 21 бинъ адам башлайджагъы козьде тутула»;
1.4 пунктастынынъ онунджы сатыр башы ашагъыдаки тарирде тарз этильсин:
«Планлаштырылгъан тедбирлер нетиджесинде джумхуриетнинъ кой районларынынъ эмег чаршысындаки вазиети темеллештирильмеси козьде тутула. 2008 сенесинде 11 бинъ адам ичюн ве 2009 сенесинде 6,5 бинъ адам ичюн иш ерлери къуруладжакъ. Кой ходжалыгъы саасында 2008 сенесинде озь фаалиетини 1,5 бинъ адам ве 2009 сенесинде 600 адам башлайджагъы козьде тутула»;
1.6 пунктасты ашагъыдаки тарирде тарз этильсин:
«1.6. Къуруджылыкъ саасында 2009 сенесининъ сонъунда вазиетининъ темеллештирильмеси козьде тутула. Программанынъ арекет этюв черчивесинде саанынъ ишханелеринде янъы иш ерлерге 530 адам ерлештириледжек»;
1.7 пунктастынынъ единджи сатыр башы ашагъыдаки тарирде тарз этильсин:
«Амельдеки тедбирлер иш ерлери иле 2008—2009 сенелеринде 330 якъын янъы хадимлернен ве саипкярлыкъ саасында 4 бинъге якъын адам иле теминленмеси козьде тутула»;
1.8 пунктастынынъ экинджи сатыр башы ашагъыдаки тарирде тарз этильсин:
«Тиджарет объектлернинъ микъдарыны арттырув арекетлери 2008 сенесинде 20 бинъге якъын адам ичюн, 2009 сенесинде — 13,5 бинъ адам ичюн янъы иш ерлери мейдангъа кетирильмеси теминленмеси козьде тутула»;
2-нджи пунктынынъ 2.4 пунктастына ашагъыдаки мундериджели джумле къошулсын:
«2009 сенесинде ишгъаль этильген иш ерлерге 2065 адам ерлештирильмеси козьде тутула (7 Джедвель)»;
3-нджи пунктындаки 3.2 пунктастынынъ бешинджи сатыр башында «9220» сайысы «7612» сайысына денъиштирильсин;
5-нджи пунктындаки онунджы сатыр башы ашагъыдаки тарирде тарз этильсин:
«Программа арекет эткен черчивесинде штат хадимлерининъ орта айлыкъ телевлери 1,4 кере артып 1660,0 грн. теркип этильмеси козьде тутула»;
6-нджы пунктында:
экинджи сатыр башында «39,31» сайысы «24,2» сайысына денъиштирильсин;
учюнджи сатыр башы чыкъарылсын;
дертюнджи сатыр башында «Вакътынджа гражданларны ишнен теминлев макъсадынен 2008—2009 сенелеринде ишнен теминлев хызметинен эр йыл 8700 ишсиз гражданлар ичюн теленген ичтимаий ишлер тешкиль этиледжеги козьде тутула» сезлери ерине «Вакътынджа гражданларны ишнен теминлев макъсадынен 2008—2009 сенелеринде ишнен теминлев хызметинен 2008 сенесинде 8700 инсан ичюн, 2009 сенесинде — 4500 инсан ичюн теленген ичтимаий ишлер тешкиль этиледжеги козьде тутула (5, 5.1, 5.2 джедвеллери)»;
бешинджи, алтынджы, единджи, секизинджи сатыр башлары чыкъарылсын;
2) III болюгинде:
биринджи сатыр башында «35,9» сайысы «22,3» сайысына денъиштирильсин;
экинджи сатыр башы ашагъыдаки тарирде тарз этильсин:
«Къабул этильген тедбирлер Къырым Мухтар Джумхуриетининъ эмек чаршысында вазиетнинъ темеллештирильмесине ел бере. Икътисадий фаалиетининъ джеми сааларында ишнен огърашкъан эалининъ сайысы 912 бинъ инсан микъдарында сакъланып къалынмасы зарур. Ишлеген эалининъ севиеси исе 60,1% колеминде»;
«15-70 яшындаки ишлеген эали ве Къырым Мухтар Джумхуриетинде 2005—2009 сенелери боюнджа ишлегенлернинъ фаизи» диаграммасы чыкъарылсын;
учюнджи сатыр башы ашагъыдаки тарирде тарз этильсин:
«Икътисадий фааль эалининъ ишсизлик севиеси 0,4 фаизге къадар осе билер ве 2009 сенесинде 5,7% теркип этер»;
дертюнджи сатыр башы чыкъарылсын;
3) VIII болюгинде:
31-нджи пунктында:
1.3 пунктастында:
1 пунктастынынъ 5 графасында «1045» сайысы «110» сайысына денъиштирильсин;
3 пунктастынынъ 5 графасында «Эр йыл саанынъ ишханелерине ишке 500 инсан чыкъмасы козьде тутула» сезлери ерине «Саанынъ ишханелерине янъы ишке кирген — 530 инсан»;
4 пунктастынынъ 5 графасында «Ишнен теминленмеси: 2008 сенесинде — 1390 инсан, 2009 сенесинде — 1475 инсан» сезлери ерине «Янъы иш ерлерде 2040 инсан ишнен теминленсин»;
5 пунктастындаки 5 графасында «400» сайысы «60» сайысына денъиштирильсин;
6 пунктастынынъ 5 графасында «130» сайысы «50» сайысына денъиштирильсин;
1.4 пунктастынынъ 5 графасында «Кой эалининъ ишнен теминленмеси — 10,8 бинъ инсан къадар эр йыл» сезлери ерине «Янъы иш ерлерге тайинлев — кой районларнынъ 17,3 бинъ мескенлери»;
2 пунктындаки 2.1 пунктастынынъ 5 графасында «2100» сайысы «2,1 бинъ» сезлерине денъиштирильсин;
3 пунктында:
3.4 пунктастындаки 4 графасында «2008—2009» сайылары «2008» сайысына денъиштирильсин;
3.15 пунктастындаки 5 графасында «9220» сайысы «7612» сайысына денъиштирильсин;
6 пунктында:
6.1 пунктастында:
4 графасында «2008 — 2009» сайылары «2008» сайысына денъиштирильсин;
5 графасында «эр йыл» сезю чыкъарылсын;
6.2 пунктастынынъ 5 графасында «39310» сайысы «24160» сайысына денъиштирильсин;
6.3 пунктастында:
4 графасында «2008—2009» сайысы «2008» сайысына денъиштирильсин;
5 графасында «Ишнен теминлейиджилерге дотациялар такъдим этюв вастасынен ишсизлерни ишнен теминлев — 810 инсан эр йыл» сезлери ерине «Ишнен теминлейиджилерге дотациялар такъдим этюв вастасынен 810 ишсизлерни ишнен теминлев»;
6.4 пунктастындаки 5 графасында «4000 инсан эр йыл» сезлери ерине «2008 сенесинде — 4000 инсан, 2009 сенесинде — 2105 инсан»;
6.5 пунктастындаки 5 графасында «8700 инсан эр йыл» сезлери ерине «2008 сенесинде — 8700 инсан, 2009 сенесинде — 4500 инсан»;
4) 1 Илявеге* мувафыкъ VIII болюгине 7-нджи пункт кирсетильсин;
5) 1, 2, 3, 4, 5, 5.2 джедвеллери янъы тарирде тарз этльсин, 2 Илявеге* мувафыкъ Программагъа 7-нджи джедвель кирсетильсин.
2. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ ичтимаий меселелери, сагълыкъны сакълав ве ветеранлар ишлери боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, апрель 22, № 1217-5/09 |