КъМДж ЮР Къарары

Улу Ватан дженки муаребе адиселерининъ сакъатлары ве иштиракчилерине ичтимаий ярдымнынъ къошма шекиллери акъкъында

Къырым Мухтар Джумхуриети Анаясасынынъ 9-нджы маддесиндеки учюнджи къысымына мувафыкъ, Улу Ватан дженки муаребе адиселерининъ сакъатлары ве иштиракчилерине ичтимаий ярдым косьтерюв макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетине аит мулькиети базасындаки мейдангъа кетирильген тедавийлев-хасталыкъларнынъ огюни алув муэссиселеринде меджбурий суретте накълият айдавджыларнынъ ве айдавджы олмагъа азырлангъанларнынъ наркологик, тиббиет тарафтан нетидже чыкъарув ве тиббиет тарафтан азырланувы вакъытында хызметлери теленмесинден Улу Ватан дженки муаребе адиселернинъ сакъатлары ве иштиракчилери бошатылсын.

2. Къырым Мухтар Джумхуриетине аит мулькиети базасындаки мейдангъа кетирильген­ тедавийлев-хасталыкъларнынъ огюни алув муэссиселеринде меджбурий суретте накълият айдавджыларнынъ­ ве айдавджы олмагъа азырлангъанларнынъ наркологик, тиб­биет тарафтан нетидже чыкъарув ве тиббиет азырлыгъы боюнджа хызметлери теленмесинден Улу Ватан дженки муаребе адиселернинъ сакъатларыны ве иштиракчилерини бошатув акъкъында меселени музакере этюв Къырым Мухтар Джумхуриетиндеки ерли мустакъиль идарелиги органларына­ тевсие этильсин.

3. Ашагъыдаки Къырым Мухтар Джумхуриети Юкъары Радасынынъ къарарлары озь кучюни джойды деп сайылсын:

2000 сенеси октябрь 18-де къабул олунгъан «Накълият айдавджыларнынъ ве айдавджы олмагъа азырлангъанларнынъ меджбурий наркологик огюни алув, тиббиет нетидже чыкъарув ве тиббиет азырланувы вакъытында Улу Ватан дженки муаребе адиселернинъ сакъат­лары ве иштиракчилерине къошма шекиллеринде косьтерильген ичтимаий ярдымы акъкъында» 1473-2/2000 санлы (Къырым Мухтар Джумхуриетининъ норматив-укъукъий актлар Топ­ламы, 2000 с., № 10, 1085 мад.; 2001 с., № 4, 313 мад.);

2001 сенеси апрель 18-де къабул олунгъан «Къырым Мухтар Джумхуриети Юкъары Радасынынъ­ 2000 сенеси октябрь 18-де къабул олунгъан «Накълият айдавджыларнынъ ве айдавджы­ олмагъа азырлангъанларнынъ меджбурий наркологик огюни алув, тиббиет нетидже чыкъарув ве тиббиет азырлыгъы боюнджа Улу Ватан дженки муаребе адиселернинъ сакъатлары­ ве иштиракчилерине къошма шекиллеринде ичтимаий ярдым косьтерюв акъкъында» 1473-2/2000 санлы Къарарына денъишмелер кирсетюв акъкъында» 1760-2/01 санлы (Къырым­ Мухтар Джумхуриетининъ норматив-укъукъий актлар Топламы, 2001 с., № 4, 313 мад.).

4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.