КъМДж ЮР Къарары

Къырым Мухтар Джумхуриети Юкъары Радасынынъ 2002 сенеси июнь 19-да къабул олунгъан 135-3/02 санлы Къарарынен тасдикълангъан Къырым Мухтар Джумхуриети Юкъары Радасынынъ даимий комиссиялары ве оларнынъ функциялары акъкъында Низамнамеге денъишмелер кирсетюв акъкъында

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2-нджи ве 9-нджы пунктларына, экинджи къысымына, 26-нджы маддесиндеки экинджи къысымынынъ 1-нджи ве 31-нджи пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысымынынъ 32-нджи пунктына мувафыкъ, Къырым Мухтар Джумхуриети Юкъары Радасынынъ векялетлерини эда этюв механизмини мукеммелештирюв ве Къырым Мухтар Джумхуриети Юкъары Радасынынъ даимий комиссиялары ишлерининъ семерелигини юксельтюв макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2002 сенеси июнь 19-да къабул олунгъан 135-3/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., № 6, 493 мад.; 2003 с., № 2, 102 мад., № 4, 341 мад.; 2004 с., № 12, 1104 мад.; 2005 с., № 9, 800 мад.; 2006 с., № 9, 737 мад., № 10, 887 мад.; 2007 с., № 5, 432 мад., № 12, 1272 мад.; 2008 с., № 5, 377 мад.) тасдикълангъан Къырым Мухтар Джумхуриети Юкъары Радасынынъ даимий комиссиялары ве оларнынъ функциялары акъкъында Низамнамеге денъишмелер кирсетильсин:

9-нджы бабында:

9.4 пунктастынынъ биринджи сатырбашында ашагъыдаки сезлер чыкъарылсын:

«эм де койлер, къасабаларнынъ сынъырларыны денъиштирюв, Украина Юкъары Радасына районлар, шеэрлернинъ сынъырларыны денъиштирюв акъкъында теклифлер кирсетюв боюнджа»;

9.11 пунктастынынъ он учюнджи сатыр башы ашагъыдаки тарирде тарз этильсин:

«Девлет ве коммуналь мулькиетининъ, шеэр къуруджылыгъынынъ топракъларыны олештирюв, территориаль громадаларнынъ умумий мулькиетиндеки топракъларынынъ сынъы­р­ларыны тайинлев ве идаре этюв, топракъ меселелери саасында район ве шеэр (джумхурий месулиетли шеэрлери) шураларынынъ фаалиетини координирлев, койлер, къасабаларнынъ сынъырларыны тайинлев ве денъиштирюв, районлар, шеэрлернинъ сынъырларыны тайинлев ве денъиштирюв боюнджа теклифлерни Украина Юкъары Радасына кирсетюв меселелери боюнджа теклифлер Къырым Мухтар Джумхуриетининъ Юкъары Радасынен музакере этильмеси ичюн азырлыкъ коре».

2. Мезкюр Къарар къабул этильген кунюнден арекетке кире.