Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына, 26-нджы маддесиндеки экинджи къысымынынъ 31-нджи пунктына, Ер асты байлыкълары акъкъында Украина Къануннамесининъ 9-нджы маддесиндеки 2-нджи пунктына, 16 ве 19 мадделерине мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Ер асты байлыкъларынен файдаланувгъа махсус изинлер такъдим этильмеси акъкъында риджанамелери уйгъунлаштырылсын:
1) пансионат — «Дженюп-Гъарп демир елу» Девлет территориаль-саалы бирлешмесининъ (Евпатория ш.) «Лучистый» балалар тедавийлев лагерине — Новоселовский ер асты татлы сувлары ер догъумынынъ (№ 6254 бужары) «Лучистый» дамартысында амелий-истисал ишлеп чыкъарув имкяны олгъан геологик теткъикъаты боюнджа ишлер алып барылмасы ичюн;
2) Восходненский мескен-коммуналь ходжалыгъынынъ истисал идарелигине (Красногвардейский районы, Восход к.) — Красногвардейский районы Северо-Сивашский ер догъумынынъ (№ 1594, 1597, 1598, 1951, 1608, 1580, 1561, 1564, 1602, 1586, 1579 бужарлары) Перекопский-5 дамартысында ер асты татлы сувларны чыкъармакъ ичюн;
3) «Афина» ачыкъ акционер джемиетине (Сакский районы, Орехово к.) — Сакский районында Альминский ер асты татлы сувлары ер догъумынынъ (Сармат уфугъы, № 4355 бужары) Альминский-2 дамартысында язлыкъ эвлер массивини ходжалыкъ-ичимлик сувнен теминлев макъсадынен ер асты татлы сувларны чыкъармакъ ичюн.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, март 18, № 1182-5/09 |