КъМДж ЮР Къарары

Къырым Мухтар Джумхуриети Юкъары Радасынынъ 1997 сенеси июнь 19-да къабул олунгъан «Авджылыкъкъа айырылгъан арсаларыны вакътынджа чокъ муддетли файдаланувгъа такъдим этюв акъкъында» 1229-1 санлы Къарарына денъишме кирсетюв акъкъында

Украина Анаясасынынъ 137-нджи маддесиндеки биринджи къысымынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 1 ве 2 пунктларына, 26-нджы маддесиндеки экинджи къысымынынъ 1 ве 31 пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки биринджи къысымынынъ 8-нджи пунктына, «Айванат алеми акъкъында» Украина Къанунынынъ 15-нджи маддесине, «Авджылыкъ ходжалыгъы ве авджылыкъ акъкъында» Украина Къанунынынъ 9 ве 22 мадделерине ве Къырым Мухтар Джумхуриети Юкъары Радасынынъ 2006 сенеси ноябрь 22-де къабул олунгъан 259-5/06 санлы Къарарынен тасдикълангъан авджылыкъ арсаларыны вакътынджа чокъ муддетли файдаланувгъа такъдим этюв ве оларнен файдаланув муддети екюнленмеси иле багълы меселелерни Къырым Мухтар Джумхуриетининъ Юкъары Радасында чезюв Тертибине мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Армянск шеэр шурасы территориясында «Раздольненский районы территориясында орман-авджылыкъ ходжалыгъы» (ОКПО 00992361) девлет ишханесине 4,7 бинъ га мейданлыгъынен авджылыкъ арсалары 22 йыл муддетнен вакътынджа чокъмуддетли файдаланувгъа такъдим этильсин.

2. Къырым Мухтар Джумхуриети Юкъары Радасынынъ 1997 сенеси июнь 19-да къабул олунгъан «Авджылыкъ арсаларыны вакътынджа чокъ муддетли файдаланувгъа такъдим этюв акъкъында» 1229-1 санлы Къарарына (Къырым Джумхуриетининъ къанунджылыгъы Топ-

ламы, 1997 с., № 6, 399 мад., № 11, 783 мад.; Къырым Мухтар Джумхуриетининъ норматив-укъукъий актлар Топламы, 1999 с., № 2, 110 мад., № 6, 581 мад., № 8, 847 мад.; 2001 с., № 11, 1220 мад.; 2002 с., № 7, 597 мад.; 2004 с., № 10, 895 мад.; 2006 с., № 9, 747 мад.; 2007 с., № 6, 574 мад., № 9, 864 мад., № 10, 998 мад.) ашагъыдаки денъишме кирсетильсин:

мезкюр Къарарнынъ Илявесинде 1 пунктынынъ 1.7 пунктасты ашагъыдаки тарирде тарз этильсин:

«1.7. «Раздольненский районы территориясында орман-авджылыкъ ходжалыгъы» (ОКПО —00992361) девлет ишханесине — Армянск шеэр шурасы сынъырларында 14,0 бинъ га мейданлыгъынен авджылыкъ арсалары».

3. Мезкюр Къарар къабул этильген кунюнден арекетке кире.