Постановление ВР АРК (регуляторный акт)

Къырым Мухтар Джумхуриети Юкъары Радасынынъ 2002 сенеси июнь 19-да къабул олунгъан 124-3/02 санлы Къарарынен тасдикълангъан мескен эвлери иджареге берильмесинден къалгъан келирлерге Къырым Мухтар Джумхуриетинде берги телев акъкъында Низамнамеге денъишмелер кирсетюв акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2002 сенеси июнь 19-да къабул олунгъан 124-3/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., № 6, 482 мад.; 2003 с., № 6, 532 мад.; 2004 с., № 4, 298 мад.) тасдикълангъан мескен эвлери иджареге берильмесинден къалгъан келирлерге Къырым Мухтар Джумхуриетинде берги телев акъкъында Низамнамеге ашагъыдаки денъишмелер кирсетильсин:

4-нджи пункт ашагъыдаки тарирде тарз этильсин:

«4. Курорт ерлери оларакъ сайылмагъан мескен иджаресинден келирлерге бир айгъа берги черчивеси:

яшамакъ ичюн шартларсыз мескен — 30 грн.;

мескен саиплеринен яшав шартында даиренинъ бир одасы я да бир къысымы — 30 грн.;

1-одалы даире — 70 грн.;

2-одалы даире — 100 грн.;

3-одалы даире — 140 грн.»;

5-нджи пункт ашагъыдаки тарирде тарз этильсин:

«5. Украина Назирлер Кабинетининъ 1996 сенеси декабрь 28-де къабул олунгъан «Курорт ерлерге аит эали пунктларнынъ джедвелини тасдикълав акъкъында» 1576 санлы Къарарынен курорт ерлерге аит ерлерде мескен иджареге берген джисманий шахслардан бир айлыкъ бергиси 1 ерге эсаптан ашагъыдаки колемлерде тайин этилелер (ерли мустакъиль органлары иле тайинленген бир кунь яшалмасынынъ минималь фияты оларакъ):

50 грн. ве зияде — 75 грн.;

30 грн. 50 грн. къадар — 55 грн;

30 грн. къадар — 35 грн.

Эр бир къошма койко-ерине тайинленген берги черчивеси 100% къадар артмакъ зарур»;

7-нджи пункты ашагъыдаки тарирде тарз этильсин:

«7. Джисманий шахслардан келирлерге берги телевини тасдикълайыджы весикъа оларакъ сайылгъан патент, мескенини иджареге берген гражданлар джеми весикъаларны такъдим эткен сонъ чалышкъан учь кунь ичинде иджареге берильген мескеннинъ ерлешкен ери боюнджа берги инспекциясында эльде эте билелер:

сойады, ады ве баба адыны къайд этювнен, идентификацион номеры, шахснынъ шу вакъытта яшагъан ерининъ адреси, патентнинъ амельдеки муддети иле ариза;

патентнинъ фияты тайинленмеси ичюн лязим иджареге берильген мескен акъкъында малюматлар;

телевнинъ бюджет классификацион ады ве коду тайинлевинен (11011100) къайд этильген черчиведеки берги телевини тасдикълайыджы весикъа».

2. Ерли бюджет васталаргъа келирлернинъ осюви макъсадынен мескен эвлери иджареге берильмесинден къалгъан келирлерге берги Къырым Мухтар Джумхуриетининъ ерли идарелиги органларына ве оларнынъ эда этиджи органларына тевсие этильсин:

Къырым Мухтар Джумхуриети Юкъары Радасынынъ 2002 сенеси июнь 19-да къубул олунгъан 124-3/02 санлы Къарарынен тасдикълангъан мескен эвлери иджареге берильмесинден къалгъан келирлерге Къырым Мухтар Джумхуриетинде берги телев акъкъында Низамнамесининъ 3-нджи пунктыны козь огюне аларакъ иджареге берген джисманий шахслардан келирге бергисининъ бир айгъа колемини тайинлев акъкъында меселеси музакере этильсин;

мезкюр бергининъ ерли бюджетлерге озь вакъытта ве бутюнлей келюви узеринден незарет темин этильсин;

джисманий шахсларгъа менсюп олгъан мескенге келирлерден бергини телев ве патент эльде этюв меселелери боюнджа эали арасында бутюн вакъыт вазиетини анълаткъан иш алып барув.

3. Мезкюр Къарар къабул этильген кунюнден арекетке кире.