КъМДж ЮР Къарары

Авджылыкъ ходжалыгъыны алып барув ве авджылыкъ саасында биринджи невбеттеки вазифелерини аль этюв боюнджа тедбирлер акъкъында

Украина Анаясасынынъ 137 маддесиндеки биринджи къысымынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2, 9, 16 пунктларына, 26-нджы маддесиндеки экинджи къысымынынъ 31-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки биринджи къысымынынъ 8-нджи пунктына, экинджи къысымынынъ 32-нджи пунктына, «Авджылыкъ ходжалыгъы ве авджылыкъ акъкъында» Украина Къанунынынъ 9-нджы маддесине, «Айванат алеми акъкъында» Украина Къанунынынъ 15-нджи маддесине бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетининъ назирлер Шурасына:

2009 сенеси июнь 1-дже Къырым Мухтар Джумхуриетинде авджылыкъ ходжалыгъыны рациональ темелли алып барылмасы теминленмеси боюнджа тедбирлер ишлеп чыкъарув ве тасдикълав (келеджекте онынъ инкишафынынъ эсас елларыны, эм де лязим малиевий теминлевнинъ менбаларны ве колемлерини тайинлев иле);

айванат алемини ве онынъ яшайыш этрафыны къорув ве файдаланув саасында сааларара мунасебетлерини козь огюне аларакъ авджылыкъ ходжалыгъы ве авджылыкъ саасында къанунджылыкъны мукеммеллештирюв боюнджа теклифлерни Къырым Мухтар Джумхуриетининъ Юкъары Радасына кирсетюв авале этильсин;

Къырым Мухтар Джумхуриетинде атувгъа рухсет берген варакъанынъ бланкларны такъдим этюв ве джедвельге алув екяне тертибини кирсетюв ичюн лязим тедбирлер акъкъында теклифлер Къырым Мухтар Джумхуриетининъ Юкъары Радасына кирсетюв авале этильсин.

2. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиатнен файдаланув боюнджа Даимий комиссиясына авале этильсин.

3. Мезкюр Къарар къабул этильген кунюнден арекетке кире.