Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына, Къырым Мухтар Джумхуриетининъ Юкъары Радасы Регламентининъ 112 маддесиндеки биринджи къысымына мувафыкъ, Къырым Мухтар Джумхуриетинде ерли къыймети иле ер устю сувлары объектлеринен (онынъ къысымларынен) файдаланув саасында ишлернинъ вазиети акъкъында Къырым Мухтар Джумхуриетининъ сувходжалыгъы къуруджылыгъы ве суварув зираатчылыгъы боюнджа Джумхурий комитети реиси Асанов Ш. М. тарафындан азырлангъан малюматны музакере этерек
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде ерли къыймети иле ер устю сувлары объектлеринен (онынъ къысымларынен) файдаланув саасында ишлернинъ вазиети акъкъында Къырым Мухтар Джумхуриетининъ сувходжалыгъы къуруджылыгъы ве суварув зираатчылыгъы боюнджа Джумхурий комитети реиси Асанов Ш. М. тарафындан азырлангъан малюматы козь огюне алынсын.
2. Къырым Мухтар Джумхуриетининъ назирлер Шурасына:
ерли къыймети иле сув объектлерининъ файдаланувгъа такъдим этилюви боюнджа незаретини темин этюв;
сув объектлери тюбюндеки топракъ арсаларынен файдаланув укъукъларыны ресмийлештирген саипкярлыкъ фаалиети субъектлеринен, адлие шахслары иле сув объектлеринен (онынъ къысымларынен) файдаланувгъа мукъавелелер уйгъунлаштырув боюнджа, ве укъукъ тайинлейиджи весикъалар къабул этильмесинден огюне оларнен файдаланувгъа ред этильмеси боюнджа амель тедбирлер къабул этюв авале этильсин.
3. Къырым Мухтар Джумхуриети Юкъары Радасынынъ 2006 сенеси сентябрь 22-де къабул олунгъан 175-5/06 санлы Къарарынен тасдикълангъан иджареге берюв шартларында ерли къыймети иле устю сув объектлеринен файдаланувгъа такъдим этюв Тертибине лязим денъишмелер кирсетюв акъкъында Къырым Мухтар Джумхуриети Юкъары Радасынынъ къарар лейхасы азырламакъ Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиатнен файдаланув боюнджа Даимий комиссиясынен бирликте Къырым Мухтар Джумхуриетининъ сувходжалыгъы къуруджылыгъы ве суварув зираатчылыгъы боюнджа Джумхурий комитетине авале этильсин, шу сырада файдаланув кетишатында кесатлыкъларыны козь огюне аларакъ, ве тайинленген тертипте Къырым Мухтар Джумхуриетининъ Юкъары Радасынен музакере этювге кирсетильсин.
4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиатнен файдаланув боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2009 сенеси, февраль 18, № 1148-5/09 |