КъМДж ЮР Къарары

Ер асты байлыкъларынен файдаланув ичюн махсус изинлер аукцион вастасынен сатылмасыны уйгъунлаштырув акъкъында

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына, 26-нджы маддесиндеки экинджи къысымынынъ 31-нджи пунктына, Ер асты байлыкълары акъкъында Украина Къануннамесининъ 9-нджы маддесиндеки биринджи къысымынынъ 2-нджи пунктына мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкъларынен файдаланув ичюн махсус изинлер аукцион вастасынен сатылмасы уйгъунлаштырылсын:

1) Къырым Мухтар Джумхуриетининъ Симферопольский районындаки Харитоновский пычып­ алынгъан киречташлар ер догъумында Харитоновский-1 дамартысыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

2) Къырым Мухтар Джумхуриетининъ Симферопольский районындаки Харитоновский пычып алынгъан киречташлар ер догъумында Харитоновский-2 дамартысыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

3) Къырым Мухтар Джумхуриетининъ Черноморский районында Дальнее пычып алынгъан киречташлар ер догъумында Северное дамартысыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

4) Дивар ташы итсисал этильмеси ичюн келишкен киреч-къабурчакъ ташлар ер догъумыны тапув макъсадынен Къырым Мухтар Джумхуриетининъ Сакский районындаки Спецресурсовский дамартысыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн.

2. Мезкюр Къарар къабул этильген кунюнден арекетке кире.