КъМДж ЮР Къарары

Ер асты байлыкъларынен файдаланувгъа махсус изинлер такъдим этильмеси акъкъында риджанамелерни уйгъунлаштырув­ акъкъында

Къырым Мухтар Джумхуриети Анаясасынынъ 18-нджи маддесиндеки биринджи къысымындаки 2-нджи ве 9-нджы пунктларына, 26-нджы маддесиндеки экинджи къысымынынъ 31-нджи пунктына, Ер асты байлыкълары акъкъында Украина Къануннамесининъ 9-нджы маддесиндеки 2-нджи пунктына, 16-нджы ве 19-нджы мадделерине мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкъларынен файдаланувгъа махсус изинлер такъдим этюв акъкъында риджанамелер уйгъунлаштырылсын:

1) «Надра Украины» «Крымгеология» Миллий акционер компаниясынынъ ярдымджы ишханесине (Симферополь ш.) — Черноморский районында Ромашково перспектив джермай-газ мейданыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

2) «Надра Украины» «Крымгеология» Миллий акционер компаниясынынъ ярдымджы ишханесине (Симферополь ш.) — Ленинский, Кировский районлары ве Феодосия ш. территориясында Узловое перспектив джермай-газ олгъан мейданыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

3) «Стройиндустрия» Бахчисарай комбинаты» япыкъ акционер джемиетине (Бахчисарай ш.) — Альминское ер асты татлы сувлары ер догъумынынъ Бахчисарайский дамартысыны (№ 117 бужары) амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

4) «Гранит» шахсий ишханесине (Сакский районы, Сизовка к.) — Сакский районында Барановское-3 пычып алынгъан киречташлар ер догъумында Южное дамартысы-1 амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

5) «Къырым сода ишлеп чыкъарув заводы» ачыкъ акционер джемиетине (Красноперекопск ш.) — Красноперекопский районында Красное гольнинъ Северное тарафыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

6) «Нива-2» крестьянлар (фермерлер) ходжалыгъына (Сакский районы, Охотниково к.) — Сакский районында Ново-Кутурское пычып алынгъан киречташлар ер догъумында дивар ташы ишлеп чыкъарылмасы ичюн;

7) «Северное сияние» санаторий» месулиети сынъырлангъан джемиетке (Саки ш.) — санаторийни ходжалыкъ-ичимлик сувнен теминлев макъсады иле Альминское ер догъумынынъ Сакский дамартысында (№ 4348 бужары) ер асты татлы сувларны чыкъармакъ ичюн;

8) Украинанынъ ава еллары хызметининъ Девлет ишханесине (Киев ш.) — Сакский районында Новоселовское ер асты татлы сувлары ер догъумынынъ (№ 4339 бужары) Южно-Абрикосовское дамартысыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

9) Украинанынъ ава еллары хызметининъ Девлет ишханесине (Киев ш.) — Симферопольский районында Альминское ер асты татлы сувлары ер догъумынынъ Северо-Аэрофлотское дамартысыны (№ 5784, № 5815 бужарлары) амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

10) «Строй-сервис ДАКТ» месулиети сынъырлангъан джемиетине (Сакский районы, Сизовка к.) — дивар ташны ишлеп чыкъарув ичюн келишкен киречташ дамартысыны тапмакъ макъсадынен Сакский районында Сизовский дамартысыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн.

2. Мезкюр Къарар къабул этильген кунюнден арекетке кире.