КъМДж ЮР Къарары

Къырым Мухтар Джумхуриети Юкъары Радасынынъ базы къарарларына денъишмелер кирсетильмеси акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2001 сенеси ноябрь 21-де къабул олунгъан «Къырымнынъ инкишафында приоритет еллары саасында ильмий мувафакъиетлер ичюн» алий окъув юртларнынъ студентлерине Къырым Мухтар Джумхуриетининъ мукяфатлары акъкъында» 2147-2/01 санлы Къарарына (Къырым Мухтар Джумхуриетининъ норматив-укъукъий актлар Топламы, 2001 с., № 11, 1215 мад.; 2004 с., № 12, 1103 мад.; 2007 с., № 9,

858 мад., № 11, 1131 мад., № 12, 1254 мад.) ашагъыдаки денъишме кирсетильсин:

2-нджи пунктында «алий окъув юртларнынъ эр бириси III-IV дередже аккредитациясы иле 39,6 колеминде студентлернинъ минималь академик стипендиясы» сезлери «эр бири 10,0 бинъ грн. колеминде».

2. Къырым Мухтар Джумхуриети Юкъары Радасынынъ 2006 сенеси октябрь 18-де къабул олунгъан «Етекчи спортчылар-сакъатлар ве оларнынъ устазларына стипендиялар акъкъында» 222-5/06 санлы Къарарына (Къырым Мухтар Джумхуриетининъ норматив-укъукъий актлар Топламы­, 2006 с., № 10, 889 мад.; 2008 с., № 3, 162 мад.) ашагъыдаки денъишмелер кирсетильсин:

2-нджи пунктында «чалышма къабилиетли шахслар ичюн тайинленген яшамакъ ичюн бир айгъа лязим пара васталарынынъ эки колеми» сезлери «2000,0 бинъ грн. колеминде» сезлерине денъиштирильсин;

мезкюр Къарарнен тасдикълангъан етекчи спортчылар-сакъатларгъа ве оларнынъ устазларына Къырым Мухтар Джумхуриетининъ стипендиялары акъкъында Низамнамесининъ 6-нджы пунктында «чалышма къабилиетли шахслар ичюн тайинленген яшамакъ ичюн лязим пара черчивесининъ 200% колеминде» сезлери «2000,0 грн. колеминде» сезлерине денъиштирильсин.

3. Къырым Мухтар Джумхуриети Юкъары Радасынынъ 2007 сенеси октябрь 24-де къабул олунгъан «Олимпиада спорт чешитлери, эм де Олимпиада оюнлар программасына кирмеген спорт чешитлери боюнджа етекчи спортчылар ве оларнынъ устазларына Къырым Мухтар Джумхуриетининъ стипендиялары акъкъында» 606-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., № 10, 986 мад.) ашагъыдаки денъишме кирсетильсин:

мезкюр Къарарынен тасдикълангъан Олимпиада спорт чешитлери, эм де Олимпик оюнлар программасына кирмеген спортнынъ чешитлери боюнджа етекчи спортчылар ве оларнынъ устазларына Къырым Мухтар Джумхуриетининъ стипендиялары акъкъында Низамнамесининъ 2-нджи пунктындаки 2.3 пунктастында «3000,0 грн. колеминде» сезлери «2000,0 грн. колеминде» сезлерине денъиштирильсин.

4. Мезкюр Къарар 2009 сенеси январь 1-ден арекетке кире.