КъМДж ЮР Къарары

2009—2015 сенелерине Къырым Мухтар Джумхуриетинде рус медениети инкишафы, рус тилинен файдаланув, рус тасили ве медений-тарихий енелиши олгъан объектлерини ве муэссиселерини кечиндирмек боюнджа эр йыл алып барылгъан тедбирлернинъ Комплекс планы акъкъында

Къырым Мухтар Джумхуриети Анаясасынынъ 10, 14 мадделерине, 26-нджы маддесиндеки экинджи къысымынынъ 1-нджи пунктына, Къырым Мухтар Джумхуриети Юкъары Радасынынъ 1998 сенеси апрель 15-те къабул олунгъан «Къырым Мухтар Джумхуриетинде девлет, рус ве дигер миллетлери тиллерининъ амельде инкишафыны темин этюв акъкъында» 1505-1 сан­лы­ Къарарына мувафыкъ, Къырым Мухтар Джумхуриетинде рус медениетининъ инкишафы ве рус тилининъ амельде файдаланувы ичюн лязим шараитлер мейдангъа кетирюв макъсады иле

Къырым Мухтар Джумхуриетининъ Юкъары Радасы к ъ а р а р б е р е:

1. 2009—2015 сенелерине Къырым Мухтар Джумхуриетинде рус медениети инкишафы, рус тилинен файдаланув, рус тасили ве медений-тарихий енелиши олгъан объектлерини ве муэссиселерини кечиндирмек боюнджа эр йыл алып барылгъан тедбирлернинъ Комплекс планы тасдикълансын (иляве этиле)1.

2. Аит сааларны малиенен теминлевге бюджет васталарнынъ баш такъсимлейиджилери боюнджа айырылгъан тахсислер черчивесинде эр йыл Къырым Мухтар Джумхуриети бюджетининъ лейхалары тешкиль этильмеси вакъытында 2009—2015 сенелерине Къырым Мухтар Джумхуриетинде рус медениети инкишафы, рус тилинен файдаланув, рус тасили ве медений-тарихий енелиши олгъан объектлерини ве муэссиселерини кечиндирмек боюнджа эр йыл алып барылгъан тедбирлернинъ Комплекс планы эда этильмесине лязим васталар козь огюне алмакъ Къырым Мухтар Джумхуриетининъ назирлер Шурасына авале этильсин.

3. Озь кучюни джойды деп сайылсын:

Къырым Мухтар Джумхуриети Юкъары Радасынынъ 2007 сенеси март 22-де къабул олунгъан «Къырым Мухтар Джумхуриетинде девлет, рус ве дигер тиллернен файдаланувы меселелери боюнджа Къырым Мухтар Джумхуриети Юкъары Радасы къарарларынынъ эда этильмеси­ кетишаты акъкъында» 391-5/07 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2007 с., № 3, 185 мад., № 10, 994 мад., № 12, 1255 мад.; 2008 с., № 3, 161 мад.) 3, 3-2 пунктлары, 5-нджи пунктындаки 5.1 пунктасты;

Къырым Мухтар Джумхуриети Юкъары Радасынынъ 2008 сенеси март 19-да къабул олунгъан «Къырым Мухтар Джумхуриети Юкъары Радасынынъ 2007 сенеси март 22-де къабул олунгъан «Къырым Мухтар Джумхуриетинде девлет, рус ве дигер тиллернен файдаланувы меселелери боюнджа Къырым Мухтар Джумхуриети Юкъары Радасы къарарларынынъ эда этильмеси кетишаты акъкъында» 391-5/07 санлы Къарарына денъишмелер кирсетюв акъкъында» 806-5/08 санлы Къарары (Къырым Мухтар Джумхуриетининъ норматив-укъукъий актлар Топламы, 2008 с., № 3, 161 мад.).

4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына, Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.