КъМДж ЮР Къарары

Къырым Мухтар Джумхуриети Юкъары Радасынынъ 2002 сенеси февраль 20-де къабул олунгъан 2271-2/02 санлы Къарарынен тасдикълангъан Къырым Мухтар Джумхуриетининъ саипкярлыкъкъа къол тутув Фонду иле кучюк саипкярлыкънынъ­ субъектлерине малиевий ярдым косьтерюв тертиби акъкъында Низамнамеге денъишмелер кирсетюв акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2002 сенеси февраль 20-де къабул олунгъан 2271-2/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., № 2, 91 мад.; 2007 с., № 6, 572 мад.) тасдикълангъан Къырым Мухтар Джумхуриетининъ саипкярлыкъкъа къол тутув Фонду иле кучюк саипкярлыкънынъ субъектлерине малиевий ярдым косьтерюв тертиби акъкъында Низамнамеге денъишмелер кирсетильсин:

I болюгининъ 2-нджи пункты ашагъыдаки тарирде тарз этильсин:

«2. Аит бюджет йылына Къырым Мухтар Джумхуриетининъ бюджетинде тасдикълангъан васталар сынъырларында кучюк саипкярлыкъкъа малиевий ярдым косьтермек ичюн Къырым Мухтар Джумхуриети бюджетининъ параларынен файдаланувы Низамнамеде къайд этиле»;

II болюгининъ 3-нджи пунктындаки 3.8 пунктасты ашагъыдаки тарирде тарз этильсин:

«3.8. Мезкюр болюкнинъ 3-нджи пунктындаки 3.6 пунктастынен козьде тутулгъан мукъа­веленинъ меджбуриетлери кучюк саипкярлыкънынъ субъектлеринен беджерильмеси, ве кредит ресурсларынен макъсадсыз файдаланувы вазиетинде мукъавелени бозмакъ лязим, эм де эвель берильген кредитнинъ колеми — Фондунынъ агъымдаки телев эсабына къайтарылмасы ве саиплештирюв фаалиетининъ дигер субъектлерине кредит берильмеси вакъытында илериде файдаланувы ичюн».

2. Мезкюр Къарар къабул этильген кунюнден арекетке кире.