КъМДж ЮР Къарары

Ер асты байлыкъларындан файдаланмакъ ичюн махсус изинлерни аукцион вастасынен сатылмасыны уйгъунлаштырув акъкъында

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына, 26-нджы маддесиндеки экинджи къысымынынъ 31-нджи пунктына, ер асты байлыкълары акъкъында Украина Къануннамесининъ 9-нджы маддесиндеки биринджи къысымынынъ 2-нджи пунктына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкъларындан файдаланмакъ ичюн махсус изинлернинъ аукцион вастасынен сатылмасы уйгъунлаштырылсын:

1) Къырым Мухтар Джумхуриетининъ Первомайский районында Крыловское пычма киречташлар ер догъумында дивар ташны чыкъарув ичюн;

2) Къырым Мухтар Джумхуриетининъ Раздольненский районында Славенское пычма киречташлар ер догъумында дивар ташны чыкъарув ичюн;

3) Къырым Мухтар Джумхуриетининъ Раздольненский районында Котовское пычма киречташлар ер догъумында дивар ташны чыкъарув.

2. Мезкюр Къарар къабул этильген кунюнден арекетке кире.