КъМДж ЮР Къарары

Ер асты байлыкъларындан файдаланувгъа махсус изинлер такъдим этюв акъкъында риджанамелерни уйгъунлаштырув акъкъында

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына, 26-нджы маддесиндеки экинджи къысымынынъ 31-нджи пунктына, байлыкълар акъкъында Украинанынъ Къануннамесиндеки 9-нджы маддесининъ 2-нджи пунктына, 16 ве 19 мадделерине, Украина Назирлер Кабинетининъ 2008 сенеси февраль 27-де къабул олунгъан 273 санлы Къарарынен тасдикълангъан ер асты байлыкъларынен файдаланувгъа 2008 сенесинде махсус изинлер такъдим этюв Тертибининъ 7-нджи пунктына

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкъларындан файдаланувгъа махсус изинлер такъдим этюв акъкъында риджанамелери уйгъунлаштырылсын:

1) «Алушта ш. сувагъы-канализацион ходжалыгъынынъ истисал ишханеси» Къырым джумхурий ишханесине (Алушта ш.) — Малый Маяк кой шурасынынъ койлерини ве Алушта ш. ходжалыкъ-ичимлик сувнен теминлев ичюн Западно-Крымское ер догъумы Гурзуфско-Запрудненское дамартысында (№ 125/226 «Ай-Лия Малый» ве № 124/227 «Ай-Лия Большой» чокъракълары) ер асты ичимлик сувларны чыкъарув ичюн;

2) «Алушта ш. сувагъы-канализацион ходжалыгъы истисал ишханеси» Къырым джумхурий ишханесине (Алушта ш.) — Малореченское кой шурасы койлерини (Генеральское, Солнечногорское, Малореченское койлери) ходжалыкъ-ичимлик сувнен теминлев ичюн Горное ер догъумынынъ Алушта дамартысында (№ 518 «Калавата» ве № 519 «Орешник» чокъракълары) ер асты ичимлик сувларны чыкъарув ичюн;

3) «Алуштадаки эфирягълары совходж-заводы» ачыкъ акционер джемиетине (Алушта ш.) — ишханенинъ ходжалыкъ ве янгъынгъа къаршы кесатлыкълары ичюн, эм де Розовый къасабасыны, Лаванда ве Верхняя Кутузовка койлерини (Алушта ш.) ичимлик сувнен теминлев ичюн Западно-Крымское ер догъумынынъ 1-2 Чатырдагский дамартысында (№ 739/31а Хачи-II ве № 735/113 Улухлу-Чокрак чешмелери) ер асты ичимлик сувларны чыкъарув ичюн;

4) «Север» кучюк ишханесине (Сакский районы, Молочное к.) — Сакский районында пычып алынгъан киреч ташлар (А-III блокы) Сасыкское ер догъумы дамартысында дивар ташны чыкъарув ичюн;

5) «Треугольник» шахсий ишханесине (Сакский районы, Орехово к.) — туристик комплексини ходжалыкъ-ичимлик сувнен теминлев ичюн Сакский районында Альминское ер догъумынынъ Сакский дамартысында (№ 6303 бужары) ер асты ичимлик сувларны чыкъарув ичюн.

2. Мезкюр Къарар къабул этильген кунюнден арекетке кире.