КъМДж ЮР Къарары

Къырым Мухтар Джумхуриетининъ сагълыкъны сакълав Назирлигининъ идарелиги саасында олгъан джумхурий муэссиселер балансында олгъан накълият васталары ве озь арекет этиджи машиналар ве механизмлернинъ саип­лерини берги телевинден бошатув акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 8-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысымынынъ 8-нджи пунктына, «Берги алув къурумы акъкъында» Украинанынъ Къанунындаки 1-нджи маддесининъ экинджи къысымына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетининъ сагълыкъны сакълав Назирлигининъ идарелиги саасына кирсетильген джумхурий муэссиселер балансында олгъан телевнен багълы олма­гъан бутюн автонакълият, Къырым Мухтар Джумхуриетининъ бюджетине кирсетильмесине аит къысымында, накълият васталары ве дигер озь арекет этиджи машиналар ве механизмлернинъ саиплери берги телевинден 2009 сенесинде бошатылсын.

2. Къырым Мухтар Джумхуриетининъ сагълыкъны сакълав Назирлигининъ идарелиги саасына кирсетильген ве бутюн сааларындаки бюджетлеринден малиенен теминленген джумхурий муэссиселер балансындаки телевнен багълы олмагъан бутюн автонакълият, транспорт васталары ве дигер озю юрген машиналар ве механизмлернинъ саиплерини берги телевинден 2009 сенесинде бошатмакъ Къырым Мухтар Джумхуриетининъ ерли мустакъиль идарелиги органларына тевсие этильсин.

3. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына ве Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.