Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан № 459-2/99 санлы Къарарынен тасдикълангъан Къырым Мухтар Джумхуриетине аит я да онынъ идарелигине теслим этильген мулькиетинен идаре этюв тертиби акъкъында Низамнамесининъ 13-нджи пунктындаки 13.1 пунктастына бинаен, зенаат-техник окъув юртлары агъларны къавийлештирюв макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. «Чапаевкадаки зенаат-техник аграр окъув юрту» Къырым джумхурий зенаат техник окъув юртунынъ Ленинодаки филиалы — къурум болюкастыны айырып чыкъарув ве онынъ базасы эсасында «Ленинодаки турмуш хызметлери саасы боюнджа зенаат-техник окъув юрту» мейдангъа кетирильмеси иле «Чапаевкадаки зенаат-техник аграр окъув юрту» Къырым джумхурий зенаат-техник окъув юрту гъайрыдан тешкиль этильмесине Къырым Мухтар Джумхуриетининъ назирлер Шурасына разылыкъ берильсин.
2. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, декабрь 18, № 1089-5/08 |