«Украинанынъ весикъалар согъурта фонды акъкъында» Украина Къанунынынъ 1 ве 23 мадделерине бинаен, арбий вазиети я да февкъульаде вазиети шартларында эалининъ ве дигер объектлернинъ аят теминаты объектлерини ве къурумларыны гъайрыдан тиклев боюнджа амель чарелер корьмек ичюн лязим весикъалар ве мальземелернинъ толуколемли экинджи нусхалары иле Къырым Мухтар Джумхуриетининъ иджра акимиети идарелерини теминлев боюнджа малюматлар банкы мейдангъа кетирюв макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. 2009 сенесине Къырым Мухтар Джумхуриетининъ весикъалар согъурта фондыны мейдангъа кетирюв Региональ программасы тасдикълансын (иляве этиле)*.
2. 2009 сенесине Къырым Мухтар Джумхуриетининъ бюджет лейхасы тешкиль этильмеси вакъытында 2009 сенесине Къырым Мухтар Джумхуриетининъ весикъалар согъурта фондыны мейдангъа кетирюв Региональ программасы эда этильмесине паралар козьде тутмакъ Къырым Мухтар Джумхуриетининъ назирлер Шурасына авале этильсин.
3. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ санайы, къуруджылыкъ, транспорт, алякъа ве якъарлыкъ-энергетик комплекси боюнджа Даимий комиссиясына ве Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, декабрь 18, № 1083-5/08 |