Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1, 11 пунктларына бинаен, Къырым Мухтар Джумхуриетинде кучюк саипкярлыгъы инкишафынынъ девлет сиясетини амельге кечирюв макъсадынен ве «Украинада кучюк саипкярлыкънынъ инкишафына ярдымы Миллий программасы акъкъында», «Кучюк саипкярлыкъкъа девлет тарафындан ярдымы акъкъында» Украина къанунлары эда этильмеси макъсады иле
Къырым Мухтар Джумхуриетининъ Юкъары Радасы к ъ а р а р б е р е:
1. 2009—2010 сенелерге Къырым Мухтар Джумхуриетинде кучюк саипкярлыкънынъ инкишафы ве онъа къол тутув Программасы тасдикълансын (иляве этиле)*.
2. 2009 ве 2010 сенелерге Къырым Мухтар Джумхуриетининъ бюджет лейхалары тешкиль этильмеси вакъытында 2009—2010 сенелерге Къырым Мухтар Джумхуриетинде кучюк саипкярлыкънынъ инкишафы ве онъа къол тутув Программасы эда этильмесине паралар козьде тутмакъ Къырым Мухтар Джумхуриетининъ назирлер Шурасына авале этильсин.
3. 2009—2010 сенелерге кучюк саипкярлыкънынъ инкишафы ве онъа къол тутув региональ программаларны ишлеп чыкъармакъ ве къабул этмек Къырым Мухтар Джумхуриети шеэр шураларнынъ иджра комитетлерине ве район девлет мемуриетлерине тевсие этильсин.
4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ тышкъы икътисадий алякъалар, тиджарет ве саипкярлыкъ боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, декабрь 18, № 1082-5/08 |