КъМДж ЮР Къарары

Къырым Мухтар Джумхуриетинде 2009 сенесине ерли мустакъиль­ идарелигине къол тутув ве онынъ инкишафы Комплекс планы акъкъында

Украина Анаясасынынъ 7 ве 142 мадделерине, Къырым Мухтар Джумхуриети Анаясасынынъ 42-нджи маддесине, «Украинада ерли мустакъиль идарелиги акъкъында» Украина Къанунынынъ 62-нджи маддесине, Украина Президентининъ 2001 сенеси август 30-да къабул олунгъан «Украинада ерли мустакъиль идарелиги инкишафына девлет тарафындан къол тутув акъкъында» 749/2001 санлы Ферманына бинаен ве Къырым Мухтар Джумхуриетинде ерли мустакъиль идарелигининъ илериде инкишафы макъсадынен

Къырым Мухтар Джумхуриетининъ Юкъары Радасы къарар бере:

1. Къырым Мухтар Джумхуриетинде 2009 сенесине ерли мустакъиль идарелигине къол тутув ве онынъ инкишафы Комплекс планы тасдикълансын (иляве этиле)*.

2. Юкъарыда къайд этильген Комплекс планынынъ тедбирлери амельге кечирильмесини Къырым Мухтар Джумхуриети Юкъары Радасынынъ 2001 сенеси ноябрь 21-де къабул олунгъан № 2145-2/01 санлы Къарарынен мейдангъа кетирильген Къырым Мухтар Джумхуриетинде ерли мустакъиль идарелигине къол тутув ве онынъ инкишафы комплекс планларны амельге кечирюв боюнджа Координацион шурасына юклетюв.

3. Къырым Мухтар Джумхуриетинде 2009 сенесине ерли мустакъиль идарелигине къол тутув ве онынъ инкишафы Комплекс планынынъ тедбирлерини малиенен теминлевге масрафлар сметасы тасдикълансын (иляве этиле)*.

4. 2009 сенесине Къырым Мухтар Джумхуриети бюджетининъ лейхасы тешкиль этильгенде Къырым Мухтар Джумхуриетининъ назирлер Шурасынен козь огюне алынсын:

Къырым Мухтар Джумхуриетинде 2009 сенесине ерли мустакъиль идарелигине къол тутув ве онынъ инкишафы Комплекс планына айры сатырнен 80,0 бинъ грн. микъдарында макъсадлы малиенен теминлев;

2009 сенесинде Бутюнкъырым ерли мустакъиль идарелиги инкишафы лейхалар ве программалар ярышы откерильмеси ичюн малиенен теминлевге 3,5 млн. грн. микъдарында паралар.

5. Юкъарыда къайд этильген Комплекс планынынъ тедбирлери беджерильмеси акъкъында эсабат 2010 сенеси февральде Къырым Мухтар Джумхуриетининъ Юкъары Радасына теклиф этильмеси мезкюр Къарарнынъ 2-нджи пунктында къайд этильген Координацион шурасына авале этильсин.

6. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ ерли мустакъиль идарелиги ве мемурий-территориаль меселелер боюнджа Даимий комиссиясына авале этильсин.

7. Мезкюр Къарар къабул этильген кунюнден арекетке кире.